Movies

အရင်ကထက် ပိုမိုခက်ခဲတဲ့ Level တွေ၊ မတူညီတဲ့ ပတ်ဝန်းကျင်အသစ်တွေနဲ့ ပြန်လည်ရောက်ရှိလာတဲ့ စိတ်ကူးယဉ် အက်ရှင်ဟာသကားကြီးပါ။ Spencer တစ်ယောက် ဂိမ်းထဲကို ပြန်လည်ဝင်ရောက်သွားရာကနေ သူ့ကိုကယ်ထုတ်ဖို့ သူငယ်ချင်းတစ်သိုက် ဂိမ်းထဲကို ထပ်မံလိုက်သွားကြပေမဲ့ ဒီတစ်ခါမှာတော့ သူတို့ရဲ့ Avatar တွေက ထင်မှတ်မထားသလို ပြောင်းလဲသွားပြီး Spencer ရဲ့ အဖိုးဖြစ်သူတို့ပါ ပါဝင်လာတာကြောင့် တစ်ကားလုံး အလွဲအချော်တွေနဲ့ ရယ်နေရမှာပါ။ နှင်းဖုံးနေတဲ့ တောင်တန်းတွေကနေ ပူပြင်းတဲ့ သဲကန္တာရတွေအထိ အသက်လုပြေးလွှားရင်း ဂိမ်းကိုအနိုင်ယူဖို့ ကြိုးစားရတဲ့ အခန်းတွေက အားရစရာ Visual Effects တွေနဲ့ သင့်ကို ဖမ်းစားထားမှာပါ။ အက်ရှင်၊ ဟာသနဲ့ စွန့်စားခန်းတွေကိုမှ တစ်ဝကြီး ခံစားချင်သူတွေအတွက်တော့ အပြတ်အသတ် သဘောကျစေမယ့် ရုပ်ရှင်ကောင်းတစ်ကားပဲ ဖြစ်ပါတယ်။

အက်ရှင်နဲ့ စပိုင်ကားပရိသတ်တွေ လုံးဝလက်မလွှတ်သင့်တဲ့ ဟောင်ကောင်အက်ရှင် ရုပ်ရှင်ကားကြီးပဲ ဖြစ်ပါတယ်။ ရဲတပ်ဖွဲ့အတွင်းမှာရှိနေတဲ့ လျှို့ဝှက်အေးဂျင့်တွေရဲ့ အရှုပ်အထွေးတွေကြားကနေ မိတ်ဆွေနဲ့ ရန်သူ ခွဲခြားရခက်တဲ့ အခြေအနေတွေကို ရင်တထိတ်ထိတ်နဲ့ ရှုစားရမှာပါ။ မင်းသားကြီးတွေဖြစ်တဲ့ Nick Cheung၊ Louis Koo နဲ့ Francis Ng တို့ရဲ့ အားပြိုင်မှုတွေ၊ မြန်မာနိုင်ငံနဲ့ စပိန်နိုင်ငံတွေအထိ သွားရောက်ရိုက်ကူးထားတဲ့ သေနတ်ပစ်ခတ်ခန်းတွေက ကြည့်ရှုသူကို အစကနေ အဆုံးထိ ဆွဲဆောင်ထားနိုင်ပါတယ်။ အထူးသဖြင့် ရန်ကုန်မြို့လမ်းမတွေပေါ်မှာ ရိုက်ကူးထားတဲ့ အက်ရှင်ခန်းတွေက မြန်မာပရိသတ်တွေအတွက်တော့ ပိုပြီးထူးခြားတဲ့ ခံစားချက်ကို ပေးစွမ်းနိုင်မှာပါ။ သစ္စာတရား၊ ညီအစ်ကိုသံယောဇဉ်နဲ့ တာဝန်ကြားမှာ ဘယ်လိုအလှည့်အပြောင်းတွေ ဖြစ်လာမလဲဆိုတာကို အလန်းစား CGI အထူးပြုလုပ်ချက်တွေနဲ့အတူ ခံစားကြည့်ရှုလိုက်ပါ။

လူပျိုကြီးစိတ် မကုန်သေးတဲ့ ယောကျ်ားတစ်ယောက်နဲ့ သူ့ရဲ့ ပတ်ဝန်းကျင်က မိသားစု၊ သူငယ်ချင်းတွေကြားက ရှုပ်ထွေးပွေလီလှတဲ့ အချစ်ရေးဇာတ်လမ်းတွေကို ဟာသနှောပြီး ရိုက်ကူးထားတဲ့ ကိုရီးယား Adult-Comedy ရုပ်ရှင်ဖြစ်ပါတယ်။ အိမ်ထောင်သည်ဘဝရဲ့ ငြီးငွေ့စရာကောင်းတဲ့ အပိုင်းတွေ၊ ဖောက်ပြန်မှုနဲ့ သစ္စာတရားကြားက အားပြိုင်မှုတွေကို ပွင့်ပွင့်လင်းလင်းနဲ့ ရယ်မောစရာဖြစ်အောင် တင်ဆက်ထားတာပါ။ ဇာတ်လမ်းထဲက ကာရိုက်တာတွေရဲ့ မဆီမဆိုင် တလွဲတချော် ဖြစ်ရပ်တွေက သင့်ကို အော်ရယ်ရစေမှာဖြစ်သလို၊ တစ်ဖက်မှာလည်း လူမှုရေးပတ်သက်မှုတွေအပေါ် ပြန်လည်တွေးတောစရာလေးတွေ ပေးသွားပါလိမ့်မယ်။ ပေါ့ပေါ့ပါးပါးနဲ့ ရယ်ရယ်မောမော ကြည့်ချင်သူတွေအတွက်တော့ ဒီကားဟာ အပန်းဖြေဖို့ အကောင်းဆုံး ရွေးချယ်မှုတစ်ခု ဖြစ်မှာပါ။

ဒီကားက သာမန်သရဲကားတွေလို ခြောက်လှန့်ရုံတင်မဟုတ်ဘဲ၊ ကိုယ့်ဘေးနားက အရင်းနှီးဆုံးမိသားစုဝင်တွေက ကိုယ့်ကိုသတ်မယ့်သူ ဖြစ်နေမလားဆိုတဲ့ Psychological Horror ကို အကောင်းဆုံးပုံဖော်ထားတာပါ မျက်နှာပြောင်းလဲတတ်တဲ့ ဝိညာဉ်ဆိုးက မိသားစုတစ်ခုလုံးကို အချင်းချင်း သံသယဝင်အောင် သွေးထိုးလှုံ့ဆော်ရင်း၊ ညီအစ်ကိုနှစ်ဦးကြားက သံယောဇဉ်နဲ့ ယုံကြည်မှုကို အဆုံးစွန်ထိ စမ်းသပ်မယ့် ဇာတ်လမ်းဖြစ်လို့ ရင်တမမနဲ့ တစ်ထိုင်တည်း ကြည့်ရှုရမယ့် South Korean Horror Masterpiece တစ်ခုပဲ ဖြစ်ပါတယ်

ကျွန်တော်တို့အားလုံး သိထားတဲ့ ပုံပြင်တစ်ပုဒ် ရှိပါတယ်။ အခြားကမ္ဘာက ကလေးငယ်တစ်ယောက် ကမ္ဘာမြေပေါ်ကို ကျရောက်လာတယ်၊ လူသားမိဘတွေက မွေးစားတယ်၊ နောက်တော့ သူဟာ လူသားတွေကို ကယ်တင်မယ့် “သူရဲကောင်း” (Superman) ဖြစ်လာတယ်… တဲ့။ တကယ်လို့… အဲဒီကလေးသာ သူရဲကောင်းဖြစ်မလာဘဲ “မိစ္ဆာ” တစ်ယောက် ဖြစ်လာခဲ့ရင်ရော? မျက်လုံးကနေ လေဆာလွှတ်နိုင်တယ်၊ အရှိန်အဟုန်နဲ့ ပျံသန်းနိုင်တယ်၊ ခန္ဓာကိုယ်ကလည်း ကျည်ဆန်မဖောက်ဘူး။ ဒီလိုစွမ်းအားတွေကို ကောင်းမှုအတွက်မသုံးဘဲ လူတွေကို ရက်ရက်စက်စက် သတ်ဖြတ်ဖို့ သုံးလာတဲ့အခါမှာတော့…

FBI အေးဂျင့် မယ်လ်ကွန် (Malcolm) ဆိုတာ ရုပ်ဖျက်ရမှာ ဆရာတစ်ဆူပါ။ တစ်နေ့မှာတော့ ထောင်ပြေးတစ်ယောက်ရဲ့ ရည်းစားဟောင်းနဲ့ ကလေးကို ‌‌‌‌စောင့်ကြည့်ဖို့ ထောင်ပြေးရည်းစားဟောင်းရဲ့ အဖွားအိမ်ကို စေလွတ်ခြင်းခံခဲ့ရပါတယ် စောင့်ကြည့်နေတုန်းအဖွားကြီးခရီးသွားတာကို အခွင့်ကောင်းယူပြီး အဖွားကြီးလို ရုပ်ဖျက်ကာ ထောင်ပြေးကိုစောင့်ဖမ်းမှာကို ကြည့်ရှုရမယ့် ဟာသကားလေးပဲဖြစ်ပါတယ်

ပထမကမ္ဘာစစ်ကြီးရဲ့ အဆိုးဝါးဆုံး အချိန်ကာလမှာ လူငယ်စစ်သားလေး နှစ်ယောက်ရဲ့ ပခုံးပေါ်မှာ မယုံနိုင်စရာ တာဝန်ကြီးတစ်ခု ကျရောက်လာပါတယ်။ အဲဒါကတော့ ရန်သူ့နယ်မြေကို ဖြတ်ကျော်ပြီး “တိုက်ပွဲရပ်နားဖို့” အမိန့်စာတစ်စောင်ကို အရောက်ပို့ပေးရမှာပါ။ အကယ်၍ သူတို့သာ အချိန်မီ အရောက်မသွားနိုင်ရင်… မိနစ်ပိုင်းအတွင်းမှာတင် သူတို့ရဲ့ ရဲဘော်ရဲဘက် စစ်သားပေါင်း ၁,၆၀၀ ဟာ ရန်သူ့ထောင်ချောက်ထဲကို တိုးဝင်ပြီး အစုလိုက်အပြုံလိုက် သေဆုံးကြရတော့မှာပါ။ သူတို့နှစ်ယောက်မစ်ရှင်ကိုအောင်မြင်အောင်လုပ်နိုင်မလား ဆိုတာ သူတို့နှစ်ယောက်နဲ့ အတူ စစ်ရဲ့အနိဋ္ဌာရုံတွေကိုခံစားရင်း ရင်တထိတ်ထိတ်နဲ့ကြည့်ရှုရမှာပဲ ဖြစ်ပါတယ်