Movies

ဒီကားက သာမန်သရဲကားတွေလို ခြောက်လှန့်ရုံတင်မဟုတ်ဘဲ၊ ကိုယ့်ဘေးနားက အရင်းနှီးဆုံးမိသားစုဝင်တွေက ကိုယ့်ကိုသတ်မယ့်သူ ဖြစ်နေမလားဆိုတဲ့ Psychological Horror ကို အကောင်းဆုံးပုံဖော်ထားတာပါ မျက်နှာပြောင်းလဲတတ်တဲ့ ဝိညာဉ်ဆိုးက မိသားစုတစ်ခုလုံးကို အချင်းချင်း သံသယဝင်အောင် သွေးထိုးလှုံ့ဆော်ရင်း၊ ညီအစ်ကိုနှစ်ဦးကြားက သံယောဇဉ်နဲ့ ယုံကြည်မှုကို အဆုံးစွန်ထိ စမ်းသပ်မယ့် ဇာတ်လမ်းဖြစ်လို့ ရင်တမမနဲ့ တစ်ထိုင်တည်း ကြည့်ရှုရမယ့် South Korean Horror Masterpiece တစ်ခုပဲ ဖြစ်ပါတယ်

ကျွန်တော်တို့အားလုံး သိထားတဲ့ ပုံပြင်တစ်ပုဒ် ရှိပါတယ်။ အခြားကမ္ဘာက ကလေးငယ်တစ်ယောက် ကမ္ဘာမြေပေါ်ကို ကျရောက်လာတယ်၊ လူသားမိဘတွေက မွေးစားတယ်၊ နောက်တော့ သူဟာ လူသားတွေကို ကယ်တင်မယ့် “သူရဲကောင်း” (Superman) ဖြစ်လာတယ်… တဲ့။ တကယ်လို့… အဲဒီကလေးသာ သူရဲကောင်းဖြစ်မလာဘဲ “မိစ္ဆာ” တစ်ယောက် ဖြစ်လာခဲ့ရင်ရော? မျက်လုံးကနေ လေဆာလွှတ်နိုင်တယ်၊ အရှိန်အဟုန်နဲ့ ပျံသန်းနိုင်တယ်၊ ခန္ဓာကိုယ်ကလည်း ကျည်ဆန်မဖောက်ဘူး။ ဒီလိုစွမ်းအားတွေကို ကောင်းမှုအတွက်မသုံးဘဲ လူတွေကို ရက်ရက်စက်စက် သတ်ဖြတ်ဖို့ သုံးလာတဲ့အခါမှာတော့…

FBI အေးဂျင့် မယ်လ်ကွန် (Malcolm) ဆိုတာ ရုပ်ဖျက်ရမှာ ဆရာတစ်ဆူပါ။ တစ်နေ့မှာတော့ ထောင်ပြေးတစ်ယောက်ရဲ့ ရည်းစားဟောင်းနဲ့ ကလေးကို ‌‌‌‌စောင့်ကြည့်ဖို့ ထောင်ပြေးရည်းစားဟောင်းရဲ့ အဖွားအိမ်ကို စေလွတ်ခြင်းခံခဲ့ရပါတယ် စောင့်ကြည့်နေတုန်းအဖွားကြီးခရီးသွားတာကို အခွင့်ကောင်းယူပြီး အဖွားကြီးလို ရုပ်ဖျက်ကာ ထောင်ပြေးကိုစောင့်ဖမ်းမှာကို ကြည့်ရှုရမယ့် ဟာသကားလေးပဲဖြစ်ပါတယ်

အထက်တန်းကျောင်းရဲ့ နောက်ဆုံးနှစ်… ပါတီပွဲတစ်ခုမှာ သူငယ်ချင်းလေးယောက် စုမိကြရာကနေ “ကမ္ဘာပျက်မတတ်” အရေးကြီးတဲ့ ပြဿနာတစ်ခုကို သူတို့ သတိထားမိသွားပါတယ်။ အဲဒါကတော့ သူတို့အားလုံးဟာ အခုထိ “လူပျိုစစ်စစ်” တွေ ဖြစ်နေကြတုန်းဆိုတာပါပဲ။ ကောလိပ်မတက်ခင် ဒီဂုဏ်ပုဒ်ကြီးကို အမြန်ဆုံး စွန့်လွှတ်ချင်နေတဲ့ သူတို့လေးယောက်ဟာ… “ကျောင်းဆင်းနှုတ်ဆက်ပွဲ (Prom Night) မတိုင်ခင် အားလုံး လူပျိုရည် ဖျက်ရမယ်” ဆိုပြီး သွေးသောက်ကတိ တစ်ခုကို ပြုလိုက်ကြပါတယ်။ ကတိကို တည်ဖို့ လူပျိုရည်ပျက်အောင်ကြိုးစားရင်း အလွဲပေါင်း သောင်းခြောက်ထောင်နဲ့ ဘယ်လိုတွေလွဲကြမလဲဆိုတာကို ရှယ်ခွီးရင်းကြည့်ရမှာပဲဖြစ်ပါတယ်

ပထမကမ္ဘာစစ်ကြီးရဲ့ အဆိုးဝါးဆုံး အချိန်ကာလမှာ လူငယ်စစ်သားလေး နှစ်ယောက်ရဲ့ ပခုံးပေါ်မှာ မယုံနိုင်စရာ တာဝန်ကြီးတစ်ခု ကျရောက်လာပါတယ်။ အဲဒါကတော့ ရန်သူ့နယ်မြေကို ဖြတ်ကျော်ပြီး “တိုက်ပွဲရပ်နားဖို့” အမိန့်စာတစ်စောင်ကို အရောက်ပို့ပေးရမှာပါ။ အကယ်၍ သူတို့သာ အချိန်မီ အရောက်မသွားနိုင်ရင်… မိနစ်ပိုင်းအတွင်းမှာတင် သူတို့ရဲ့ ရဲဘော်ရဲဘက် စစ်သားပေါင်း ၁,၆၀၀ ဟာ ရန်သူ့ထောင်ချောက်ထဲကို တိုးဝင်ပြီး အစုလိုက်အပြုံလိုက် သေဆုံးကြရတော့မှာပါ။ သူတို့နှစ်ယောက်မစ်ရှင်ကိုအောင်မြင်အောင်လုပ်နိုင်မလား ဆိုတာ သူတို့နှစ်ယောက်နဲ့ အတူ စစ်ရဲ့အနိဋ္ဌာရုံတွေကိုခံစားရင်း ရင်တထိတ်ထိတ်နဲ့ကြည့်ရှုရမှာပဲ ဖြစ်ပါတယ်