Movies

နေ့စဉ်ကျောင်းတက်ရတာထက် ပျော်ပါးဖို့ပဲ စိတ်ဝင်စားပြီး စာမေးပွဲနီးမှ နည်းပညာဆန်းတွေနဲ့ အကွက်စိပ်စိပ် ခိုးချဖို့ ကြိုးစားမယ့် လူငယ်တစ်စုအကြောင်း ရိုက်ကူးထားတဲ့ အရွှန်းဖောက် ဟာသရုပ်ရှင်ကောင်းတစ်ကား ဖြစ်ပါတယ်။ ဇာတ်လမ်းကတော့ ပြင်သစ်နိုင်ငံရဲ့ နာမည်ကြီး ပုဂ္ဂလိက အထက်တန်းကျောင်းတစ်ခုက ပျင်းရိငြီးငွေ့စရာ စာတွေကို လုံးဝစိတ်မဝင်စားဘဲ အမြဲတမ်း နောက်ပြောင်ကျောင်းပိတ်နေတဲ့ ကျောင်းသား ညံ့ဖျင်းစုအကြောင်းပဲ ဖြစ်ပါတယ်။ သူတို့ရဲ့ ညံ့ဖျင်းမှုကြောင့် ကျောင်းအုပ်ကြီးက ဒီနှစ် နိုင်ငံတော်အဆင့် အထက်တန်းအောင်စာမေးပွဲ (Baccalauréat) မှာ တစ်ယောက်မှ မအောင်ရင် ကျောင်းပိတ်ပစ်မယ်လို့ ခြိမ်းခြောက်ပြီးနောက် ကျောင်းသားတွေကို စစ်တန်းလျားလို စည်းကမ်းတွေနဲ့ ဖိအားပေးပါတော့တယ်။ စာမေးပွဲကျရင် ထောင်ကျနိုင်တဲ့ အခြေအနေမျိုးအထိ ဖြစ်လာတဲ့အခါ… လည်လွန်းတဲ့ ကျောင်းသားတစ်စုဟာ စာအုပ်ကြီးအတိုင်း ကျက်မယ့်အစား အိတ်ဆောင်အသံဖမ်းစက်တွေ၊ လျှို့ဝှက်ကိရိယာတွေနဲ့အတူ ပါးစပ်အဟောင်းသား ဖြစ်ရလောက်မယ့် “ခိုးချနည်းဗျူဟာ” […]

နေ့စဉ်ဘဝရဲ့ ပျင်းရိငြီးငွေ့စရာ စက်ဝိုင်းထဲကနေ ရုန်းထွက်ပြီး မိမိရဲ့ စိတ်ကူးအိပ်မက်တွေကို အကောင်အထည်ဖော်ဖို့ ခွန်အားပေးမယ့် ရုပ်ရှင်အလှအပ Visual အလန်းစား Adventure ကားကြီး ဖြစ်ပါတယ်။ ဇာတ်လမ်းကတော့ Life မဂ္ဂဇင်းတိုက်ရဲ့ ဖလင်အနုတ်ပြား ထိန်းသိမ်းရေးသမားအဖြစ် နှစ်ပေါင်းများစွာ စာအုပ်ကြီးအတိုင်း အေးအေးဆေးဆေး နေထိုင်လာခဲ့တဲ့ ဝေါ်တာမစ်တီ (Ben Stiller) အကြောင်းပဲ ဖြစ်ပါတယ်။ သူဟာ လက်တွေ့ဘဝမှာ ကြောက်တတ်၊ ရှက်တတ်ပေမယ့် စိတ်ကူးထဲမှာတော့ သူရဲကောင်းကြီးတစ်ယောက်လို အမြဲယောင်ခြောက်ခြား စိတ်ကူးယဉ်တတ်သူပါ။ ဒါပေမဲ့ မဂ္ဂဇင်းတိုက်ရဲ့ နောက်ဆုံးပိတ် မျက်နှာဖုံးအတွက် လိုအပ်တဲ့ အရေးကြီးဆုံး ဖလင်ကွက် ပျောက်ဆုံးသွားတဲ့အခါ… ဝေါ်တာတစ်ယောက် အဲ့ဒီဖလင်ကို ရိုက်ကူးခဲ့တဲ့ လျှို့ဝှက်ဆန်းပြားတဲ့ ဓာတ်ပုံဆရာကြီး (Sean Penn) ကို ရှာဖွေဖို့အတွက် စိတ်ကူးယဉ်ကမ္ဘာထဲကနေ ရုန်းထွက်ပြီး […]

“လူသားလောကကြီး တစ်စစီ ပြိုကွဲမယ့် အန္တရာယ်ကနေ ကာကွယ်ဖို့… ကိုယ့်ခန္ဓာကိုယ်ထဲက လျှို့ဝှက်ဆန်းကြယ်တဲ့ စွမ်းအား (Arcana) တွေကို နှိုးဆွပြီး သေမင်းတမန် သိုင်းပြိုင်ပွဲကြီးထဲ ဝင်ပြိုင်ရမယ့် စစ်သည်တော်တစ်စု…”။ ကမ္ဘာကျော် ဂန္ထဝင်အက်ရှင်ဂိမ်းကြီးကို ဒေါ်လာ သန်းချီအကုန်အကျခံပြီး သွေးရဲရဲ ကွန်ဘိုတိုက်ကွက်တွေ၊ ခန်းနားတဲ့ စွမ်းအား Effects တွေနဲ့ ခေတ်သစ်စတိုင် ပွဲကြမ်းထားတဲ့ R-Rated Martial Arts Fantasy အက်ရှင်ကားကြီး ဖြစ်ပါတယ်။ ဇာတ်လမ်းကတော့ ငွေကြေးအတွက် ရိုက်နှက်ခံပြီး အသက်မွေးနေရတဲ့ MMA တိုက်ခိုက်ရေးသမား ကိုးလ်ယန်း (Cole Young) အကြောင်းပဲ ဖြစ်ပါတယ်။ သူဟာ မိမိရဲ့ မျိုးရိုးနောက်ခံ လျှို့ဝှက်ချက်ကြောင့် အပြင်လောက (Outworld) က ဒိုင်ယာဗိုလစ် မော်ကွန်းဆရာ ရှန်ဆုန်း (Shang […]

“ကျောင်းမှာ နေ့တိုင်း နှိပ်စက်အနိုင်ကျင့်ခံရတဲ့ ကောင်လေးကနေ… ထောင်ထဲက MMA ချန်ပီယံကြီးဆီမှာ အရိုးကွဲမတတ် ပညာသင်ပြီး လူမိုက်တွေရဲ့ သတ်ကွင်းကြီးကို လက်သီးနဲ့ပဲ ပြန်လည်တော်လှန်မယ့် ငနဲ…”။ နာမည်ကြီး Webtoon ကို အခြေခံပြီး မင်းသားချော Wi Ha-joon (Squid Game မင်းသား) နဲ့ Kim Min-seok တို့ တရားဝင် ပွဲကြမ်းထားတဲ့ သွေးဆူစရာ တောင်ကိုရီးယား Prison Action ကားကောင်း ဖြစ်ပါတယ်။ဇာတ်လမ်းကတော့ ကျောင်းတွင်းအနိုင်ကျင့်မှုကို မခံမရပ်နိုင်ဖြစ်ပြီး ရန်သူကို ပြန်တိုက်ခိုက်မိရာကနေ သက်ငယ်ထောင်ထဲ ရောက်သွားတဲ့ ချာဝူးဆော အကြောင်းပဲ ဖြစ်ပါတယ်။ ထောင်ထဲမှာပါ ထပ်မံအမဲလိုက်ခံရပြီး အသက်လုနေရချိန်မှာ… တစ်မိသားစုလုံးကို သတ်ခဲ့တဲ့ လူသတ်သမားတွေကို လက်လွတ်စပယ် နှိမ်နင်းလို့ ထောင်ကျနေတဲ့ MMA […]

ပဟေဠိဆန်တဲ့ အကြားအမြင်တွေ၊ ရှေးဟောင်းဒဏ္ဍာရီတွေနဲ့အတူ ကြည့်ရှုသူကို အေးစက်စက်နဲ့ ရင်တထိတ်ထိတ် ဖြစ်စေမယ့် တောင်ကိုရီးယား Mystery-Thriller ရုပ်ရှင်ကောင်းတစ်ကားပါ။ လွန်ခဲ့တဲ့ နှစ်ပေါင်းထောင်ချီက ပိတ်လှောင်ခံထားရတဲ့ မိစ္ဆာဆိုးကြီး ပြန်လည်နိုးထလာဖို့ ကြိုးစားတဲ့အခါမှာတော့ အဲ့ဒီဘေးဒုက္ခကို တားဆီးဖို့အတွက် ဆရာတော်တစ်ပါးနဲ့ လူငယ်လေးတစ်ယောက်တို့ရဲ့ အသက်လောင်းကြေးထပ်ရတဲ့ တိုက်ပွဲက စတင်ပါတော့တယ်။ ရိုးရိုး Horror ကားတွေလို ခြောက်လှန့်တာမျိုးထက် ဇာတ်လမ်းရဲ့ လေးနက်တဲ့ အဓိပ္ပာယ်တွေ၊ လူသားတို့ရဲ့ ဝေဒနာနဲ့ နောင်တတွေကို ပါးပါးလေး နှောထားတာက ဒီကားရဲ့ ထူးခြားချက်ပါ။ ညဘက်မှာ တစ်ယောက်တည်း မီးပိတ်ပြီး စိတ်လှုပ်ရှားစရာ ကောင်းကောင်းနဲ့ ဇာတ်လမ်းဆန်းဆန်း ကြည့်ချင်သူတွေအတွက်တော့ ဒီကားက အကောင်းဆုံး ရွေးချယ်မှုပါပဲ။

Spider-Man ရဲ့ အမှတ်အသားဖြစ်တဲ့ Peter Parker ဟာ လူတိုင်းသိသွားတဲ့ စူပါဟီးရိုးတစ်ယောက် ဖြစ်လာတဲ့အခါမှာတော့ သူ့ရဲ့ သာမန်ဘဝနဲ့ ဟီးရိုးဘဝဟာ လုံးဝကို ရှုပ်ထွေးသွားပါတော့တယ် သူ့ကြောင့် ပတ်ဝန်းကျင်က လူတွေပါ ဒုက္ခရောက်ကုန်တာမို့ Peter ဟာ Doctor Strange ဆီမှာ အကူအညီတောင်းပြီး လူတွေရဲ့ မှတ်ဉာဏ်ကို ဖျောက်ဖို့ ကြိုးစားခဲ့ပါတယ် ဒါပေမဲ့ ဂါထာမန္တန်တွေ ရွတ်ဆိုရင်း မထင်မှတ်ဘဲ မှားယွင်းသွားတဲ့အခါမှာတော့ တခြား Universe တွေက Spider-Man ရဲ့ ရန်သူတော်ကြီးတွေ တစ်ယောက်ပြီးတစ်ယောက် ရောက်ရှိလာပါတော့တယ် ဒီရှုပ်ထွေးလှတဲ့ အခြေအနေတွေကို Peter တစ်ယောက် ဘယ်လိုဖြေရှင်းမလဲ၊ Spider-Man ဆိုတာ တကယ်တော့ ဘာလဲဆိုတာကို ဒီကားမှာ ရင်ခုန်စိတ်လှုပ်ရှားဖွယ် တွေ့မြင်ရမှာပါ

LA မြို့ရဲ့ ငွေသယ်ယာဉ်လုပ်ငန်းတစ်ခုကို “H” ဆိုတဲ့ လူစိမ်းတစ်ယောက် အလုပ်ဝင်လာပါတယ် သူက စကားနည်းတယ်၊ အေးစက်တယ်၊ ပြီးတော့ သူ့ရဲ့ နောက်ကြောင်းကိုလည်း ဘယ်သူမှ သေချာမသိကြပါဘူး လုပ်ဖော်ကိုင်ဖက်တွေက သူ့ကို “အညံ့စား ဝန်ထမ်းသစ်” လို့ပဲ ထင်ခဲ့ကြတာပါ ဒါပေမဲ့ ဓားပြတိုက်မှုတစ်ခုမှာတော့ အားလုံး မှင်တက်သွားရပါတော့တယ် သာမန်လုံခြုံရေးဝန်ထမ်းတစ်ယောက်မှာ မရှိနိုင်တဲ့ “သေနတ်ပစ်ကျွမ်းကျင်မှု” နဲ့ “သွေးအေးတဲ့ လူသတ်နည်း” တွေကို H က ထုတ်သုံးလိုက်တဲ့အခါမှာတော့… ဓားပြတွေတင်မကဘဲ သူ့ရဲ့ လုပ်ဖော်ကိုင်ဖက်တွေပါ “သူက တကယ်ကော ဘယ်သူလဲ?” ဆိုပြီး ကြောက်လန့်တကြား မေးခွန်းထုတ်လာကြပါတယ် တကယ်တမ်း သူဟာ ဒီလုပ်ငန်းကို အလုပ်အတွက် မဟုတ်ပဲ လက်စားချေဖို့အတွက် ရောက်လာတာဖြစ်နေတဲ့အခါမှာတော့

ဒီကားဟာ တောင်ကိုရီးယားရဲ့ အကောင်းဆုံး Crime Thriller ရုပ်ရှင်တွေထဲက တစ်ခုဖြစ်ပြီး Hong Kong ရုပ်ရှင် Eye in the Sky (2007) ကို ပြန်လည်ရိုက်ကူးထားတာဖြစ်ပါတယ် ကိုရီးယားမှာတင် ကြည့်ရှုသူ ၅ သန်းကျော် ရရှိခဲ့ပြီး Box Office မှာ အတော်လေး အောင်မြင်ခဲ့တဲ့ ကားတစ်ကား ဖြစ်ပါတယ် မှုခင်းထောက်လှမ်းရေးလောကထဲက “စောင့်ကြည့်ထောက်လှမ်းခြင်း” (Surveillance) အတတ်ပညာကို အရမ်းကို အသေးစိတ်ကျကျ ပုံဖော်ထားတဲ့ ဇာတ်ကားပါ ဇာတ်လမ်းအစကနေ အဆုံးထိ တစ်စက္ကန့်မှ မျက်တောင်ခတ်လို့မရအောင် ဆွဲခေါ် သွားမယ်ကားလေးပါ တကယ့်ရဲတွေ လူအုပ်ကြားထဲမှာ လူဆိုးကို ဘယ်လိုရှာမလဲ၊ ဘယ်လိုနောက်ယောင်ခံလိုက်မလဲဆိုတာတွေကို တကယ့်လက်တွေ့ကျကျ ရိုက်ပြထားတာပါ

စကော့ (Scott) တစ်ယောက်အသဲကွဲပြီး မူးမူးနဲ့ ဂျာမနီက သူ့ရဲ့ Cyber-buddy (အွန်လိုင်းသူငယ်ချင်း) “Mieke” ကို ယောက်ျားလေးလို့ ထင်ပြီး သူ့ကိုလာတွေ့မယ်ပြောတာကို ယောကျ်ားချင်း အဲ့လိုပြောရမလားဆိုပြီး ရိုင်းရိုင်းစိုင်းစိုင်းတွေ ပြောလိုက်မိလို့ ဟိုဘက်က Block တာခံလိုက်ရပါတော့တယ် တကယ်တန်း “Mieke” ဆိုတာ သူထင်သလို ယောက်ျားလေးမဟုတ်ဘဲ အင်မတန် ချောမောလှပတဲ့ ဂျာမန်မလေးတစ်ယောက် ဖြစ်နေတဲ့အခါမှာတော့ သူ့ရဲ့ အမှားကို ပြင်ဆင်ဖို့နဲ့ အချစ်ကို ရှာဖွေဖို့အတွက် စကော့ဟာ သူ့ရဲ့ သူငယ်ချင်းတစ်သိုက်နဲ့အတူ အမေရိကကနေ ဥရောပအထိ “အလည်အပတ် ခရီးစဉ်ကြီး” ကို အားချင်း စတင်လိုက်ပါတော့တယ်။ အချစ်ကိုရှာဖွေဖို့ ဥရောပကိုခြေဆန့်ရင်း ဘယ်လိုတွေ အလွဲလွဲချော်ချော်တွေ ကြုံတွေ့ရမလဲဆိုတာ ရှယ်ခွီးရင်း ကြည့်ရမယ့် လူငယ်ဟာသကားလေးဖြစ်ပါတယ်

ဟာသဘုရင် Eddie Murphy ရဲ့ ဂန္ထဝင်မြောက်ဇာတ်ကားကို နှစ်ပေါင်း ၃၀ ကျော်မှ ပြန်လည်အသက်သွင်းထားတဲ့ ကားလေးပါ။ ဇာမွန်ဒါ (Zamunda) နိုင်ငံရဲ့ ဘုရင်ဖြစ်လာတော့မယ့် မင်းသား အာကင်း (Akeem) တစ်ယောက် မမျှော်လင့်ထားတဲ့ သတင်းစကားတစ်ခုကို ကြားလိုက်ရပါတယ်။ အဲဒါကတော့… သူကိုယ်တိုင်တောင် မသိခဲ့တဲ့ သူ့ရဲ့ “သွေးသားရင်းချာ သားတော်လေး” တစ်ယောက် အမေရိကန်ပြည်ထောင်စု၊ နယူးယောက်မြို့ရဲ့ ကွင်းစ် (Queens) ရပ်ကွက်မှာ ရှိနေတယ်ဆိုတာပါပဲ။ ခမည်းတော်ရဲ့ နောက်ဆုံးဆန္ဒအရ ဒီသားတော်လေးကို နန်းလျာအဖြစ် လေ့ကျင့်ပေးဖို့အတွက် အာကင်းနဲ့ သူ့ရဲ့သစ္စာရှိ နောက်လိုက် ဆမ်မီ (Semmi) တို့ဟာ အမေရိကန်မြေဆီကို တစ်ကျော့ပြန် ခြေချပြီး သားတော်လေးကို သွားခေါ်ကာ မင်းသားတစ်ပါးဖြစ်အောင် သင်ကြားပေးရင်းနဲ့ တစ်ဖက်မှာလည်း အာဏာမက်တဲ့ စစ်ဗိုလ်ချုပ်ကြီးတွေရဲ့ […]