Movies

မင်းသားကြီး Jamie Foxx နဲ့ Snoop Dogg တို့ ပါဝင်ထားပြီး Vampire (သွေးစုပ်ဖုတ်ကောင်) နှိမ်နင်းရေးကို ဟာသနှောပြီး ရိုက်ကူးထားတဲ့ အမိုက်စား Action ကားကြီးပါ။ ဇာတ်လမ်းကတော့ သာမန်ရေကူးကန် ဆေးကြောတဲ့ အလုပ်သမားလို့ လူသိများတဲ့ Bud Jablonski ဟာ တကယ်တော့ သွေးစုပ်ဖုတ်ကောင်တွေကို လိုက်လံသတ်ဖြတ်ပြီး သွားတွေကို ရောင်းစားနေတဲ့ Professional Vampire Hunter တစ်ယောက်ဖြစ်ပါတယ်။ သူ့ရဲ့ သမီးလေးအတွက် ကျောင်းလစာနဲ့ လိုအပ်တဲ့ ငွေကြေးတွေကို အမြန်ဆုံးရှာဖွေဖို့အတွက် သွေးစုပ်ဖောင်ကောင်တွေရဲ့ ဘုရင်မကို အမြစ်ပြတ်ချေမှုန်းရမယ့် အန္တရာယ်ကြီးတဲ့ မစ်ရှင်တစ်ခုကို လက်ခံလိုက်တဲ့အခါမှာတော့…

ရှေးဟောင်းအီဂျစ်ဒဏ္ဍာရီလာ နတ်ဘုရားတွေရဲ့ အာဏာလုပွဲနဲ့ စွန့်စားခန်းတွေကို ကြီးကျယ်ခမ်းနားတဲ့ Visual Effects တွေနဲ့ ပုံဖော်ထားတဲ့ အက်ရှင် Fantasy ကားကြီးပါ။ ရက်စက်တဲ့ အမှောင်ထုနတ်ဘုရား Set က ထီးနန်းကို အဓမ္မသိမ်းပိုက်လိုက်တဲ့အခါမှာတော့ နုပျိုတဲ့ နတ်ဘုရား Horus ဟာ လူသားသူခိုးလေးတစ်ယောက်နဲ့ ပူးပေါင်းပြီး တိုင်းပြည်ကို ပြန်လည်ကယ်တင်ဖို့ ကြိုးစားရပုံကို ရိုက်ကူးထားတာဖြစ်ပါတယ်။ ရွှေရောင်တောက်ပတဲ့ နတ်ဘုရားတွေရဲ့ တိုက်ပွဲတွေ၊ ထူးဆန်းတဲ့ သတ္တဝါကြီးတွေနဲ့ ရင်သပ်ရှုမောဖွယ် နန်းတော်ကြီးတွေကို အားရစရာ မြင်တွေ့ရမှာပါ။ ဒဏ္ဍာရီဆန်ဆန် အက်ရှင်ကားတွေကိုမှ တစ်ကားလုံး ရွှေရောင်တဝင်းဝင်းနဲ့ အမိုက်စား CGI တွေ ကြည့်ချင်သူတွေအတွက်တော့ အပြတ်အသတ် သဘောကျစေမယ့် ရုပ်ရှင်ကောင်းတစ်ကားပဲ ဖြစ်ပါတယ်။

ဟောင်ကောင်ရုပ်ရှင်လောကရဲ့ အဆင့်မြင့်နည်းပညာနဲ့ Visual Effects တွေကို အားရပါးရ ခံစားရမယ့် ပထမဆုံး Sci-fi အက်ရှင်ရုပ်ရှင်ကားကြီးပဲ ဖြစ်ပါတယ်။ လေထုညစ်ညမ်းမှုတွေကြောင့် ကမ္ဘာကြီးပျက်စီးလုနီးပါး ဖြစ်နေချိန်မှာ အာကာသကနေ ကျလာတဲ့ “Pandora” လို့ခေါ်တဲ့ ဂြိုလ်ပြင်ပသက်ရှိအပင်ကြီးက မြို့ပြကြီးတွေကို ဝါးမြိုဖျက်ဆီးဖို့ ကြိုးစားလာတဲ့အခါမှာတော့ လူသားတွေရဲ့ နောက်ဆုံးမျှော်လင့်ချက်အဖြစ် သံချပ်ကာဝတ်စုံဝတ် စစ်သည်တော်တွေရဲ့ တိုက်ပွဲက စတင်ပါတော့တယ်။ မင်းသားကြီး Louis Koo နဲ့ Lau Ching-wan တို့ရဲ့ အားကောင်းတဲ့ သရုပ်ဆောင်ချက်တွေအပြင်၊ စက်ရုပ်တွေ၊ ခေတ်မီလက်နက်တွေနဲ့ ရင်သပ်ရှုမောဖွယ် တိုက်ခိုက်ခန်းတွေက သင့်ကို တစ်ခဏလေးတောင် မျက်တောင်မခတ်မိအောင် ဖမ်းစားထားမှာပါ။ နည်းပညာပိုင်းအရ ဟောလိဝုဒ်စံနှုန်းကို မီအောင် ကြိုးစားထားတဲ့ ဒီဇာတ်ကားဟာ အနာဂတ်ကမ္ဘာပျက်ကပ် မြင်ကွင်းတွေကို စိတ်ဝင်စားတဲ့ ပရိသတ်တွေအတွက်တော့ လုံးဝလက်မလွှတ်သင့်တဲ့ […]

ကမ္ဘာကျော် Video Game ကို အသက်သွင်းထားတဲ့ Uncharted ဟာ သာမန်ရတနာရှာပုံတော်ကားတွေထက် ပိုထူးခြားပါတယ် လမ်းဘေးက ခါးပိုက်နှိုက်ဘဝကနေ ကမ္ဘာ့အကြီးဆုံး ရတနာသိုက်ကြီးနောက်ကို လိုက်ရင်း ပျောက်ဆုံးနေတဲ့ အစ်ကိုဖြစ်သူရဲ့ သဲလွန်စတွေကို ဖော်ထုတ်မယ့် Nathan Drake သူ့ဘေးမှာကလည်း ဘယ်အချိန် သစ္စာဖောက်မလဲ မသိရတဲ့ ဝါရင့်လူလည်ကြီး Sully ရှိနေပါတယ် ဘာစီလိုနာမြို့လယ်ခေါင်ကနေ ဖိလစ်ပိုင်ကျွန်းစုတွေအထိ ကမ္ဘာပတ်ပြီး ရှေးဟောင်းပဟေဠိတွေကို အဖြေရှာရင်း၊ ရန်သူတွေကြားထဲကနေ အသက်လုတိုက်ခိုက်ရမယ့် သူတို့နှစ်ယောက်ရဲ့ခရီးစဉ်က ပရိသတ်ကို ခဏလေးတောင် မျက်တောင်မခတ်မိအောင် ဆွဲဆောင်ထားမှာပါ လေယာဉ်ပေါ်က ပြုတ်ကျရင်း တိုက်ခိုက်ရတဲ့ အခန်းတွေကစလို့ ပင်လယ်ပြင်ထဲက ရှေးဟောင်းသင်္ဘောပျံကြီးတွေအထိ Action ခန်းတွေကို အမိုက်စား မြင်တွေ့ရမှာဖြစ်ပြီး၊ “တစ်ကမ္ဘာလုံးက လိုက်ရှာနေတဲ့ ရတနာကြီးကို သူတို့ တကယ်ပဲ ရသွားမလား” […]

Rick နဲ့ Fred ဆိုတဲ့ သူငယ်ချင်းနှစ်ယောက်ဟာ အိမ်ထောင်ကျတာ ကြာလာတာနဲ့အမျှ အပြင်က မိန်းမလှလေးတွေကို ငေးမောကြည့်ရှုရင်း အိမ်ထောင်ရေးမှာ စိတ်မပါသလို ဖြစ်လာကြပါတယ်။ ဒါကို သတိထားမိတဲ့ သူတို့ရဲ့ ဇနီးသည်တွေက ထူးထူးခြားခြား အစီအစဉ်တစ်ခု ချပေးလိုက်ပါတယ်။ အဲ့ဒါကတော့ တစ်ပတ်တိတိ သူတို့ဘာလုပ်လုပ် ခွင့်လွှတ်ပေးမယ့် ‘Hall Pass’ (လွတ်လပ်ခွင့်လက်မှတ်) ပဲ ဖြစ်ပါတယ်။ သူတို့နှစ်ယောက်ကတော့ လူပျိုဘဝတုန်းကလို ပျော်ရပါးရတော့မယ်ဆိုပြီး အရမ်းကို တက်ကြွနေကြတာပါ။ ဒါပေမဲ့ တကယ်တမ်း လက်တွေ့မှာတော့ သူတို့ထင်သလို ဖြစ်မလာဘဲ အသက်အရွယ်အရ ပြောင်းလဲသွားတဲ့ ခေတ်ရေစီးကြောင်းတွေကြားမှာ ဘယ်လိုတွေ အလွဲအချော်တွေနဲ့ပဲ ရင်ဆိုင်ပြီး ရှယ်ခွီးရမလဲဆိုတာ..

ဒီကားဟာ တောင်ကိုရီးယားရဲ့ အကောင်းဆုံး Crime Thriller ရုပ်ရှင်တွေထဲက တစ်ခုဖြစ်ပြီး Hong Kong ရုပ်ရှင် Eye in the Sky (2007) ကို ပြန်လည်ရိုက်ကူးထားတာဖြစ်ပါတယ် ကိုရီးယားမှာတင် ကြည့်ရှုသူ ၅ သန်းကျော် ရရှိခဲ့ပြီး Box Office မှာ အတော်လေး အောင်မြင်ခဲ့တဲ့ ကားတစ်ကား ဖြစ်ပါတယ် မှုခင်းထောက်လှမ်းရေးလောကထဲက “စောင့်ကြည့်ထောက်လှမ်းခြင်း” (Surveillance) အတတ်ပညာကို အရမ်းကို အသေးစိတ်ကျကျ ပုံဖော်ထားတဲ့ ဇာတ်ကားပါ ဇာတ်လမ်းအစကနေ အဆုံးထိ တစ်စက္ကန့်မှ မျက်တောင်ခတ်လို့မရအောင် ဆွဲခေါ် သွားမယ်ကားလေးပါ တကယ့်ရဲတွေ လူအုပ်ကြားထဲမှာ လူဆိုးကို ဘယ်လိုရှာမလဲ၊ ဘယ်လိုနောက်ယောင်ခံလိုက်မလဲဆိုတာတွေကို တကယ့်လက်တွေ့ကျကျ ရိုက်ပြထားတာပါ

ဖြောင့်မတ်ပြီး ဒေါသကြီးတဲ့ အစိုးရရှေ့နေ ဗြောင်ဂျေဝတ် (Byun Jae-wook) ဟာ သူတရားစွဲဆိုနေတဲ့ သံသယရှိသူတစ်ယောက် အသတ်ခံရမှုမှာ လူသတ်သမားအဖြစ် အကွက်ချစွပ်စွဲခံလိုက်ရပါတယ်။ တရားဥပဒေကို ကိုင်တွယ်ခဲ့သူကိုယ်တိုင် ထောင်ဒဏ် ၁၅ နှစ် ကျခံခဲ့ရပြီး အကျဉ်းထောင်ထဲ ရောက်သွားတဲ့အခါမှာတော့ အပြင်ထွက်လို့မရတဲ့ ရှေ့နေကြီးဟာ ထောင်ထဲကနေ ကြိုးကိုင်ပြီး အပြင်ကလူလိမ်လေးကို သူ့ရဲ့ “ရုပ်သေးရုပ်” အဖြစ် အသုံးချပြီး အမှန်တရားကို ဘယ်လိုဖော်ထုတ်မလဲဆိုတာ ရင်တထိတ်ထိတ် ကြည့်ရမှာပါ

ကံအင်မတန်ဆိုးတဲ့ လူသတ်သမား “လန်းဒီဘတ်ဂ်” (Ladybug) ဟာ အလုပ်တွေတစ်ခုပြီးတစ်ခု လွဲချော်လွန်းလို့ ဒီတစ်ခေါက်မှာတော့ အေးအေးဆေးဆေး အလုပ်ပြီးအောင် လုပ်မယ်လို့ ဆုံးဖြတ်ထားပါတယ်။ ဒါပေမဲ့… ကံကြမ္မာကတော့ သူ့ဘက်မှာမရှိပါဘူး။ သူ့ရဲ့ ရိုးရှင်းပါတယ်ဆိုတဲ့ “လက်ဆွဲသေတ္တာလေးတစ်လုံး ခိုးယူရမယ့်” အလုပ်ဟာ ဂျပန်နိုင်ငံရဲ့ အမြန်ဆုံးရထားပေါ်မှာ ကမ္ဘာအရပ်ရပ်က ကြေးစားလူသတ်သမားတွေနဲ့ ထိပ်တိုက်တိုးဖို့ ဖန်လာတဲ့အခါမှာတော့…ပြေးစရာမြေမရှိတဲ့ ရထားတွဲလေးတွေထဲမှာ ပစ္စည်းပစ္စယတွေကို လက်နက်လုပ်ပြီး တိုက်ခိုက်ရင်း နောက်ဆုံး ဘယ်သူက အသက်ရှင်လျက်နဲ့ ရထားပေါ်က ဆင်းခွင့်ရမလဲဆိုတာ ကြည့်ရှုရမယ့် ဟာသအက်ရှင်ကားလေးဖြစ်ပါတယ်

FBI အေးဂျင့် မယ်လ်ကွန် (Malcolm) ဆိုတာ ရုပ်ဖျက်ရမှာ ဆရာတစ်ဆူပါ။ တစ်နေ့မှာတော့ ထောင်ပြေးတစ်ယောက်ရဲ့ ရည်းစားဟောင်းနဲ့ ကလေးကို ‌‌‌‌စောင့်ကြည့်ဖို့ ထောင်ပြေးရည်းစားဟောင်းရဲ့ အဖွားအိမ်ကို စေလွတ်ခြင်းခံခဲ့ရပါတယ် စောင့်ကြည့်နေတုန်းအဖွားကြီးခရီးသွားတာကို အခွင့်ကောင်းယူပြီး အဖွားကြီးလို ရုပ်ဖျက်ကာ ထောင်ပြေးကိုစောင့်ဖမ်းမှာကို ကြည့်ရှုရမယ့် ဟာသကားလေးပဲဖြစ်ပါတယ်

“စစ်ပွဲက သူရဲကောင်းတွေကို မမွေးထုတ်ပေးဘူး… လူငယ်တွေရဲ့ အသက်နဲ့ အိပ်မက်တွေကိုပဲ ဝါးမျိုပစ်လိုက်တာပါ။” အော်စကာဆုတွေ သိမ်းကျုံးရရှိခဲ့ပြီး ပရိသတ်တွေကို စစ်ရဲ့အနိဋ္ဌာရုံတွေကြားထဲ ဆွဲခေါ်သွားမယ့် တကယ်ကိုကောင်းတဲ့ကားလေးပါ ဒီဇာတ်ကားဟာ “စစ်ပွဲကို အမွှမ်းတင်တဲ့ကား” မဟုတ်ဘဲ “စစ်ရဲ့ အမှောင်ထု” ကို အပွင့်လင်းဆုံး ချပြထားတဲ့ ဂန္ထဝင်လက်ရာတစ်ခုပါ။ လူငယ်လေး ပေါလ် ဘောင်မာ (Paul Baumer) နဲ့ သူ့သူငယ်ချင်းတစ်သိုက်ဟာ မျိုးချစ်စိတ်ဓာတ်တွေ တက်ကြွပြီး စစ်ပွဲထဲကို ကိုယ်တိုင်ဆန္ဒအလျောက် ဝင်ရောက်ခဲ့ကြပါတယ်။ သူတို့စိတ်ထဲမှာတော့ စစ်မြေပြင်ဆိုတာ နိုင်ငံအတွက် ဂုဏ်ယူစရာ၊ သူရဲကောင်းအဖြစ် သမိုင်းတွင်မယ့် နေရာတစ်ခုပေါ့။ ဒါပေမဲ့… သူတို့တကယ်တမ်း အနောက်ဘက်စစ်မျက်နှာ (Western Front) ကို ရောက်သွားတဲ့အခါမှာတော့ သူတို့မျှော်လင့်ထားတဲ့ အိပ်မက်တွေဟာ တစစီ ပျက်စီးသွားပါတော့တယ်။သေနတ်သံတွေ၊ ဗုံးဒဏ်တွေနဲ့ ရွှံ့နွံတွေကြားမှာ […]