Movies

“သင် မကျူးလွန်ရသေးတဲ့ ရာဇဝတ်မှုတစ်ခုအတွက် သင့်ကို ဖမ်းဆီးမယ်ဆိုရင်…” 🧠💥 နည်းပညာတွေ အဆမတန် တိုးတက်လာပြီး လူသတ်မှုတစ်ခု မဖြစ်ပွားခင် နာရီပိုင်းအလိုမှာတင် ကြိုတင်သိရှိတားဆီးနိုင်တဲ့ အနာဂတ်လောကကြီး။ ဒါပေမဲ့ တစ်နေ့မှာတော့ ဒီစနစ်ကြီးကို ဦးဆောင်နေတဲ့ အကြီးအကဲ ဂျွန်အန်ဒါတန် (Tom Cruise) ကိုယ်တိုင်က နောက်ထပ် ၃၆ နာရီအတွင်း လူသတ်မယ့်သူအဖြစ် စနစ်ကြီးရဲ့ သတ်မှတ်ခြင်းကို ခံလိုက်ရတဲ့အခါမှာတော့… မိမိကိုယ်ကို အပြစ်မရှိကြောင်း သက်သေပြဖို့ စနစ်ကြီးကို ပြန်လည်အာခံပြီး ထွက်ပြေးရင်း အနာဂတ်ရဲ့ လျှို့ဝှက်ချက်တွေကို ဖော်ထုတ်ရမယ့် Sci-Fi Psychological Thriller ကားကောင်းကြီး ဖြစ်ပါတယ်။

“မျက်စိကွယ်နေပေမယ့် တရားမျှတမှုအတွက် အမှောင်ထုကို စိုးမိုးမယ့် နတ်ဆိုးတစ်ကောင်”… အက်ရှင်မင်းသားကြီး Ben Affleck နဲ့ မင်းသမီးချော Jennifer Garner တို့ရဲ့ ငယ်ဘဝ အမိုက်စား Superhero အက်ရှင်ရုပ်ရှင်ဟောင်းကြီး ဖြစ်ပါတယ်။ ဇာတ်လမ်းကတော့ ငယ်စဉ်က ဓာတုစွန့်ပစ်ပစ္စည်းတစ်ခုကြောင့် မျက်စိကွယ်သွားခဲ့ပေမယ့် ကျန်တဲ့အာရုံငါးပါးစလုံးက ရေဒါစနစ်လိုမျိုး သာမန်ထက် ထူးကဲစွမ်းအားမြင့်လာတဲ့ မတ်ထ် မာဒေါ့ခ် (Matt Murdock) အကြောင်းပဲ ဖြစ်ပါတယ်။ သူဟာ နေ့ဘက်မှာတော့ မတရားခံရသူတွေကို ကာကွယ်ပေးတဲ့ ရှေ့နေတစ်ဦးဖြစ်ပြီး၊ ညဘက်မှာတော့ နယူးယောက်မြို့ရဲ့ အမှောင်ဆုံး “Hell’s Kitchen” ရပ်ကွက်ထဲက ရာဇဝတ်ကောင်တွေကို ဝတ်စုံနီဝတ်ပြီး ကိုယ်တိုင် လိုက်လံနှိမ်နင်းတဲ့ “Daredevil” ဖြစ်လာပါတော့တယ်။ တစ်မြို့လုံးကို နောက်ကွယ်က ကြိုးကိုင်နေတဲ့ မာဖီယားဂိုဏ်းချုပ်ကြီး Kingpin နဲ့ […]

မတရားအသတ်ခံခဲ့ရတဲ့ သေဆုံးသူတွေဟာ သူတို့ကိုသတ်ခဲ့တဲ့ တရားခံကို ကလဲ့စားချေဖို့အတွက် လူ့လောကထဲ ပြန်လည်ရှင်သန် ထွက်ပေါ်လာကြတဲ့ (Resurrected Victims) ဆိုတဲ့ ဆန်းသစ်တဲ့အိုင်ဒီယာနဲ့ ရိုက်ကူးထားတဲ့ တောင်ကိုရီးယား Mystery Thriller ကားကောင်းတစ်ကား ဖြစ်ပါတယ်။ လွန်ခဲ့တဲ့ ၇ နှစ်က အသတ်ခံခဲ့ရတဲ့ မိခင်ဖြစ်သူဟာ လူ့လောကထဲ ပြန်ရောက်လာပြီး သားဖြစ်သူ ရှေ့နေ (Kim Rae-won) ကို အငြိုးတကြီး ပြန်လည်တိုက်ခိုက်လာတဲ့အခါမှာတော့ တစ်ခါမှမထင်ထားတဲ့ လျှို့ဝှက်ချက်တွေ စတင်ပေါ်ပေါက်လာပါတော့တယ်။ အက်ရှင်၊ စုံစမ်းစစ်ဆေးမှုနဲ့ သဘာဝလွန်အလှည့်အပြောင်း (Plot Twist) တွေကို ရင်တဖိုဖိုနဲ့ ဉာဏ်ကစားပြီး ကြည့်ရမှာဖြစ်လို့ စိတ္တဇရုပ်ရှင်နဲ့ သည်းထိပ်ရင်ဖို ကားကောင်းကြိုက်သူတွေ လက်မလွှတ်သင့်တဲ့ ဇာတ်ကားပဲ ဖြစ်ပါတယ်။

ရှေးဟောင်းအီဂျစ်ဒဏ္ဍာရီလာ နတ်ဘုရားတွေရဲ့ အာဏာလုပွဲနဲ့ စွန့်စားခန်းတွေကို ကြီးကျယ်ခမ်းနားတဲ့ Visual Effects တွေနဲ့ ပုံဖော်ထားတဲ့ အက်ရှင် Fantasy ကားကြီးပါ။ ရက်စက်တဲ့ အမှောင်ထုနတ်ဘုရား Set က ထီးနန်းကို အဓမ္မသိမ်းပိုက်လိုက်တဲ့အခါမှာတော့ နုပျိုတဲ့ နတ်ဘုရား Horus ဟာ လူသားသူခိုးလေးတစ်ယောက်နဲ့ ပူးပေါင်းပြီး တိုင်းပြည်ကို ပြန်လည်ကယ်တင်ဖို့ ကြိုးစားရပုံကို ရိုက်ကူးထားတာဖြစ်ပါတယ်။ ရွှေရောင်တောက်ပတဲ့ နတ်ဘုရားတွေရဲ့ တိုက်ပွဲတွေ၊ ထူးဆန်းတဲ့ သတ္တဝါကြီးတွေနဲ့ ရင်သပ်ရှုမောဖွယ် နန်းတော်ကြီးတွေကို အားရစရာ မြင်တွေ့ရမှာပါ။ ဒဏ္ဍာရီဆန်ဆန် အက်ရှင်ကားတွေကိုမှ တစ်ကားလုံး ရွှေရောင်တဝင်းဝင်းနဲ့ အမိုက်စား CGI တွေ ကြည့်ချင်သူတွေအတွက်တော့ အပြတ်အသတ် သဘောကျစေမယ့် ရုပ်ရှင်ကောင်းတစ်ကားပဲ ဖြစ်ပါတယ်။

ကျွန်တော်တို့ ငယ်ငယ်က အားပေးခဲ့ရတဲ့ Mighty Morphin Power Rangers ကို ခေတ်သစ်ပုံစံနဲ့ အလန်းစားပြန်လည်ရိုက်ကူးထားတဲ့ Sci-fi အက်ရှင်ရုပ်ရှင်ပဲ ဖြစ်ပါတယ်။ သာမန်အထက်တန်းကျောင်းသား လူငယ် (၅) ယောက် မထင်မှတ်ဘဲ ထူးဆန်းတဲ့ စွမ်းအားတွေ ရရှိရာကနေ ကမ္ဘာကြီးကို ဖျက်ဆီးမယ့် Rita Repulsa နဲ့ ရွှေစစ်သည်တော်ကြီး Goldar တို့ကို ရင်ဆိုင်တိုက်ခိုက်ရမယ့် အက်ရှင်ကားကြီးပါ။ သူတို့တစ်တွေ စူပါဟီးရိုးဖြစ်လာဖို့ ကြိုးစားရတဲ့ အလွဲအချော်တွေနဲ့ အဖွဲ့အစည်းစိတ်ဓာတ်ကို မြင်တွေ့ရမှာဖြစ်သလို၊ နောက်ဆုံးပိတ်မှာ ပါဝင်တဲ့ Zords စက်ရုပ်ကြီးတွေနဲ့ Megazord တို့ရဲ့ ကြီးကျယ်ခမ်းနားတဲ့ တိုက်ပွဲခန်းတွေက အားရစရာ Visual Effects တွေနဲ့ သင့်ကို ဖမ်းစားထားမှာပါ။ ငယ်ဘဝအမှတ်တရတွေကို ခေတ်မီအက်ရှင်အလန်းစားတွေနဲ့ ပေါင်းစပ်ပြီး အားရပါးရ […]

အစကနေ အဆုံးထိ အေးစက်စက်နဲ့ ကြမ်းတမ်းတဲ့ အက်ရှင်တွေကိုမှ ကြိုက်နှစ်သက်သူတွေအတွက် အထူးဖန်တီးထားတဲ့ တောင်ကိုရီးယား အက်ရှင်ရုပ်ရှင်ကားကြီးပါ။ ငယ်စဉ်ကတည်းက သွေးအေးလူသတ်သမားတစ်ယောက်ဖြစ်အောင် လေ့ကျင့်ပေးခြင်း ခံခဲ့ရတဲ့ Sook-hee ဟာ သူမရဲ့ လွတ်လပ်ခွင့်အတွက် အစိုးရရဲ့ လျှို့ဝှက်အေးဂျင့်အဖြစ် တာဝန်ထမ်းဆောင်ရင်း အတိတ်က နာကျင်စရာ လျှို့ဝှက်ချက်တွေ၊ သစ္စာဖောက်မှုတွေနဲ့ ပြန်လည်ရင်ဆိုင်ရပုံကို ရိုက်ကူးထားတာဖြစ်ပါတယ်။ ဒီဇာတ်ကားရဲ့ ထူးခြားချက်ကတော့ POV (First Person) ရိုက်ချက်တွေနဲ့အတူ စတင်လိုက်တဲ့ အဖွင့်အက်ရှင်ခန်းတွေဟာ ကြည့်ရှုသူကို ကိုယ်တိုင်တိုက်ခိုက်နေရသလို ခံစားချက်မျိုး ပေးစွမ်းနိုင်တာပဲ ဖြစ်ပါတယ်။ မင်းသမီး Kim Ok-vin ရဲ့ ပြောင်မြောက်လှတဲ့ ဓားသိုင်း၊ သေနတ်ပစ်နဲ့ ဆိုင်ကယ်စီး အက်ရှင်ခန်းတွေဟာ ဟောလိဝုဒ်အဆင့်မီအောင် ရင်သပ်ရှုမောဖွယ် ကောင်းလှပါတယ်။ လက်စားချေမှု၊ အချစ်နဲ့ နောင်တတွေကို အက်ရှင်အလန်းစားတွေနဲ့ […]

တောင်ကိုရီးယားရုပ်ရှင်လောကရဲ့ ပြိုင်ဘက်ကင်း ပြောင်မြောက်လှတဲ့ လက်ရာတစ်ခုဖြစ်ပြီး ကြည့်ရှုသူကို အံ့အားသင့်စရာ အလှည့်အပြောင်းတွေနဲ့အတူ မှင်သက်သွားစေမယ့် လက်စားချေမှုဆိုင်ရာ ရုပ်ရှင်ကားကြီးပါ။ အကြောင်းရင်းမရှိဘဲ အခန်းကျဉ်းလေးတစ်ခုထဲမှာ ၁၅ နှစ်ကြာအောင် ပိတ်လှောင်ခံထားရတဲ့ အမျိုးသားတစ်ယောက်ဟာ မထင်မှတ်ဘဲ ပြန်လည်လွတ်မြောက်လာတဲ့အခါမှာတော့ သူ့ကို ဘယ်သူက၊ ဘာကြောင့် အခုလိုလုပ်ခဲ့သလဲဆိုတာကို လိုက်လံစုံစမ်းပါတော့တယ်။ ဒီဇာတ်ကားမှာ ပါဝင်တဲ့ တစ်ဆက်တည်းရိုက်ကူးထားတဲ့ (Long Take) အမြှောင်လိုက် တိုက်ခိုက်ရေးခန်းတွေက ကမ္ဘာကျော်ခဲ့သလို၊ လူ့စိတ်ရဲ့ နက်ရှိုင်းတဲ့ အမှောင်ဘက်ခြမ်းနဲ့ နာကျင်စရာကောင်းတဲ့ လျှို့ဝှက်ချက်တွေကို ပေါ်လွင်အောင် ရိုက်ကူးထားတာပါ။ မင်းသားကြီး Choi Min-sik ရဲ့ ရူးသွပ်လုနီးပါး ပြောင်မြောက်လှတဲ့ သရုပ်ဆောင်ချက်တွေက ဇာတ်လမ်းတစ်လျှောက်လုံး သင့်ကို အသက်ရှူမှားအောင် ဖမ်းစားထားမှာပါ။ အက်ရှင်၊ လျှို့ဝှက်ချက်နဲ့ စိတ်လှုပ်ရှားစရာတွေကိုမှ အဆင့်အတန်းမြင့်မြင့် ခံစားချင်သူတွေအတွက်တော့ ဒီရုပ်ရှင်ဟာ […]

ပထမကားထက် ပိုပြီး ကျယ်ပြန့်တဲ့ လူသတ်သမားလောကကြီးထဲကို ပရိသတ်တွေကို လက်ဆွဲခေါ်သွားမယ့် အမိုက်စားလက်ရာတစ်ခုပါ ပထမကားမှာ ခွေးလေးအတွက်နဲ့ ကားအတွက် လက်စားချေပြီး အေးအေးဆေးဆေး ပြန်နားတော့မယ်လို့ ကြံရွယ်ထားတဲ့ John Wick ရှေ့ကို အတိတ်က ကတိစကားတစ်ခု (Marker) က ပြန်လည်ရောက်ရှိလာတာနဲ့ ဇာတ်လမ်းက အစပြုပါတယ် မြေအောက်လောကရဲ့ တင်းကျပ်လှတဲ့ စည်းမျဉ်းတွေအရ ဒီကတိကို ငြင်းပယ်လို့မရဘဲ လက်ခံလိုက်ရတဲ့အခါမှာတော့ John တစ်ယောက် ရောမမြို့အထိ သွားရောက်ပြီး ခက်ခဲတဲ့ လုပ်ကြံမှုတစ်ခုကို လုပ်ဆောင်ခဲ့ရပါတယ် ဒါပေမဲ့ ဒီလုပ်ကြံမှုပြီးသွားတဲ့အခါမှာတော့ သူဟာ သစ္စာဖောက်ခံရပြီး တစ်ကမ္ဘာလုံးက လူသတ်သမားတွေရဲ့ အမဲလိုက်ခြင်းကို ခံရတဲ့ အခြေအနေဆိုးကြီးနဲ့ ရင်ဆိုင်လိုက်ရပါတော့တယ် ဒီကားမှာ အထူးခြားဆုံးကတော့ ပထမကားထက် ပိုမိုဆန်းပြားလာတဲ့ တိုက်ကွက်တွေပါပဲ အထူးသဖြင့် မှန်ပြခန်းထဲက တိုက်ပွဲအခန်းတွေနဲ့ […]

ဂျွန် ကွန်စတင်တိုင်း (John Constantine) ဆိုတာ သာမန်လူတွေ မမြင်နိုင်တဲ့ နတ်ဆိုးတွေ၊ ကောင်းကင်တမန်တွေကို မြင်နိုင်စွမ်းရှိတဲ့အပြင် ငရဲပြည်အထိ သွားလာနိုင်တဲ့ ထူးခြားတဲ့ စွမ်းအားရှင်တစ်ယောက်ပါ သူဟာ လောကကြီးထဲကို ခိုးဝင်လာတဲ့ နတ်ဆိုးတွေကို ပြန်မောင်းထုတ်ရင်းနဲ့ သူ့ရဲ့ ကယ်တင်ခြင်းကို ရှာဖွေနေသူလည်း ဖြစ်ပါတယ် တစ်နေ့မှာတော့ သူ့ဆီကို ရဲမေတစ်ယောက် ရောက်လာခဲ့ပါတယ် သူမရဲ့ အမြွှာညီမလေး ဆုံးပါးသွားတာဟာ သာမန် ကိုယ့်ကိုယ်ကိုယ် သတ်သေမှု မဟုတ်ဘူးလို့ ယုံကြည်နေတဲ့အတွက် ကွန်စတင်တိုင်းရဲ့ အကူအညီကို တောင်းခံခဲ့ရာကနေ…ဘုရားသခင်နဲ့ နတ်ဆိုးဘုရင် လူစီဖာ (Lucifer) တို့ကြားက လောင်းကြေးတွေ၊ စည်းကမ်းချက်တွေကြားမှာ ကွန်စတင်တိုင်းက ဘယ်လို ဉာဏ်ကစားပြီး အမှန်တရားကို ဖော်ထုတ်မလဲဆိုတာ ရင်တထိတ်ထိတ် ကြည့်ရမှာပါ.

ဖြောင့်မတ်ပြီး ဒေါသကြီးတဲ့ အစိုးရရှေ့နေ ဗြောင်ဂျေဝတ် (Byun Jae-wook) ဟာ သူတရားစွဲဆိုနေတဲ့ သံသယရှိသူတစ်ယောက် အသတ်ခံရမှုမှာ လူသတ်သမားအဖြစ် အကွက်ချစွပ်စွဲခံလိုက်ရပါတယ်။ တရားဥပဒေကို ကိုင်တွယ်ခဲ့သူကိုယ်တိုင် ထောင်ဒဏ် ၁၅ နှစ် ကျခံခဲ့ရပြီး အကျဉ်းထောင်ထဲ ရောက်သွားတဲ့အခါမှာတော့ အပြင်ထွက်လို့မရတဲ့ ရှေ့နေကြီးဟာ ထောင်ထဲကနေ ကြိုးကိုင်ပြီး အပြင်ကလူလိမ်လေးကို သူ့ရဲ့ “ရုပ်သေးရုပ်” အဖြစ် အသုံးချပြီး အမှန်တရားကို ဘယ်လိုဖော်ထုတ်မလဲဆိုတာ ရင်တထိတ်ထိတ် ကြည့်ရမှာပါ