Movies

သာယာတဲ့ အားလပ်ရက်လေးတစ်ခုမှာ ဇနီးမောင်နှံနှစ်ဦးဟာ လူသူဝေးတဲ့ ရေကန်ဘေးက အိမ်လေးတစ်အိမ်ကို အပန်းဖြေဖို့ ရောက်လာခဲ့ကြပါတယ်။ သူတို့နှစ်ယောက်ရဲ့ဆက်ဆံရေးကို ပြန်လည်အသက်သွင်းဖို့အတွက် ခင်ပွန်းဖြစ်သူရဲ့ “လက်ထိပ်ခတ်ကစားနည်း” ကိုစမ်းကြည့်ကြပါတော့တယ် စမ်းနေတုန်း ခင်ပွန်းဖြစ်သူ ရုတ်တရက် နှလုံးရပ်ပြီး သေဆုံးသွားချိန်မှာတော့… ဂျက်ဆီ (Jessie) တစ်ယောက် ကုတင်တိုင်မှာ လက်ထိပ်ခတ်ခံထားရလျက်သားနဲ့ တစ်ယောက်တည်း ကျန်ရစ်ခဲ့ပြီး ဖုန်းကလည်း လက်လှမ်းမမီ၊ အော်သံကို ကြားမယ့်သူလည်းမရှိ၊ အစာနဲ့ရေလည်း မရှိဘဲ လက်ထိပ်ခတ်ခံထားရတဲ့ အခြေအနေကနေ ဘယ်လိုလွတ်အောင် ကြိုးစားမလဲဆိုတာ စိတ်ဝင်တစားကြည့်ရှုရမယ့် သဲထိပ်ရင်ဖိုဇာတ်ကားလေးပဲဖြစ်ပါတယ်

“တရားမျှတမှုအတွက် ပြန်လည်နိုးထလာတဲ့ နတ်ဘုရားရဲ့ တပ်သား” မျှော်လင့်ချက်အားလုံး ကုန်ဆုံးနေတဲ့အချိန်၊ ဒုစရိုက်မှုတွေက အထွတ်အထိပ်ရောက်နေတဲ့အချိန်မှာ… ကယ်တင်ရှင်တစ်ယောက် ရောက်ရှိလာခဲ့ဖူးပါတယ်။ သူကတော့ သူ့မိသားစုနဲ့ ပြည်သူတွေကို အသက်ပေးကာကွယ်ပြီး မကောင်းဆိုးဝါးတွေကို သုတ်သင်ခဲ့တဲ့ အာခန်ဒါ (Akhanda) ပါပဲ။ အမှုကိစ္စတွေ ပြီးဆုံးသွားတဲ့နောက် သူဟာ လူသူမနီးတဲ့ တောတောင်တွေထဲမှာ တရားကျင့်ရင်း ပုန်းအောင်းနေခဲ့ပါတယ်။ ဒါပေမဲ့… နှစ်အတော်ကြာတဲ့အခါမှာတော့ ကမ္ဘာကြီးကို ခြိမ်းခြောက်မယ့် ပိုမိုဆိုးသွမ်းတဲ့ အန္တရာယ်တွေ တစ်ကျော့ပြန် ပေါ်လာခဲ့ပြန်ပါပြီ။ လောကကြီးတစ်ခုလုံး မီးဟုန်းဟုန်းတောက်နေချိန်မှာတော့… အာခန်ဒါ တစ်ခါပြန် နိုးထလာပါပြီ! အိန္ဒိယကားတွေရဲ့ ထုံးစံအတိုင်း ပရိသတ်တွေ အားရပါးရ အော်ဟစ်ရမယ့် အက်ရှင်ရိုက်ချက်တွေ၊ တစ်ယောက်တည်းနဲ့ ရာနဲ့ချီတဲ့ လူဆိုးတွေကို အပြတ်ရှင်းမယ့် အခန်းတွေ နဲ့ အိန္ဒိယ အက်ရှင်ကားအကြမ်းစားတွေကိုမှ ကြိုက်တတ်တဲ့ ပရိသတ်တွေအတွက် […]

Frankenstein (သို့) ဘုရားနေရာကို လုယူဖို့ ကြိုးစားခဲ့တဲ့ သိပ္ပံပညာရှင်, လူတစ်ယောက်က သေခြင်းတရားကို အနိုင်ယူပြီး “အသက်” တစ်ခုကို ကိုယ်တိုင် ဖန်တီးနိုင်ခဲ့ရင် ဘာဖြစ်မလဲ? ဒေါက်တာ ဗစ်တာ ဖရန်ကင်စတိုင်း ဆိုတာ ဉာဏ်ကြီးရှင်တစ်ယောက်ဖြစ်သလို ကိုယ့်ကိုယ်ကိုယ် ယုံကြည်မှုလွန်ကဲနေတဲ့ သိပ္ပံပညာရှင်တစ်ဦးပါ။ သူဟာ သေဆုံးပြီးသား အလောင်းတွေကို အပိုင်းပိုင်းဖြတ်တောက်၊ ပြန်လည်စုစည်းပြီး လူသားတွေ မလုပ်ဖူးသေးတဲ့ “သက်ရှိဖန်တီးခြင်း” စမ်းသပ်မှုကို အောင်မြင်အောင် လုပ်ဆောင်ခဲ့ပါတယ်။ ဒါပေမဲ့… သူမျှော်လင့်ထားတဲ့ “နတ်သားလေး” ပေါ်မလာဘဲ ကြောက်မက်ဖွယ်ကောင်းတဲ့ “သတ္တဝါကြီး” တစ်ကောင် ပေါ်ထွက်လာတဲ့အခါမှာတော့… ဒီဂန္ထဝင်ဇာတ်လမ်းဟာ အသည်းယားစရာ သရဲကားတစ်ကားထက် ပိုပါတယ်။ လူသားတွေရဲ့ လောဘနဲ့ အထီးကျန်မှုအကြောင်းကို အကောင်းဆုံး ပုံဖော်ထားတဲ့ကားလေးမို့ ကြည့်ရှုခံစားသွားကြပါအုန်း

တစ်နိုင်ငံလုံးကို လှည့်စားပြီး ဒေါ်လာသန်းပေါင်းများစွာ ရခဲ့တဲ့ လေယာဉ်မှူး ခင်ဗျားမှာသာ ကိုယ်ပိုင်လေယာဉ်တစ်စီးရှိမယ်ဆိုရင်… အမေရိကန်အစိုးရ (CIA) အတွက် သူလျှိုလုပ်ပေးမလား? ဒါမှမဟုတ် ကမ္ဘာကျော် မူးယစ်ရာဇာကြီး ပါဘလို အက်စကိုဘာ (Pablo Escobar) အတွက် ပစ္စည်းသယ်ပေးမလား? ဘယ်ရီ ဆီးလ် (Barry Seal) ကတော့ နှစ်ဖက်လုံးကို တစ်ပြိုင်တည်း လုပ်ခဲ့တာပါ။ ၁၉၈၀ ပြည့်လွန်နှစ်တွေက အမေရိကန် သမိုင်းမှာ အရှုပ်ထွေးဆုံးနဲ့ အံ့သြစရာအကောင်းဆုံး ဖြစ်ရပ်မှန်ကို အခြေခံထားတာပါ။CIA ကိုရော၊ မူးယစ်ဂိုဏ်း (Medellin Cartel) ကိုရော တစ်လှည့်စီ မှောင်ခိုလုပ်ပေးပြီး ပိုက်ဆံရတာများလွန်းလို့ အိမ်နောက်ဖေး မြေကြီးထဲ ကျင်းတူးမြှုပ်ရတဲ့အထိ၊ သေတ္တာတွေထဲ အတင်းထိုးထည့်ရတဲ့အထိ ချမ်းသာလာတဲ့ လေယာဥ်မှူးအ‌ကြောင်းရိုက်ထားတဲ့ ဖြစ်ရပ်မှန်ကားလေးဖြစ်ပါတယ်

ခင်ဗျားက John Wick ရဲ့ အက်ရှင်တွေကို ကြိုက်တယ်ဆိုရင်တော့… ဒီဇာတ်လမ်းက ခင်ဗျားအတွက်ပါပဲ ဒီဇာတ်လမ်းဟာ John Wick: Chapter 3 – Parabellum ဖြစ်ပျက်နေတဲ့ အချိန်အတောအတွင်းမှာပဲ တပြိုင်တည်း ဖြစ်ပျက်နေတာပါ။ အိဗ် မာကာရို (Eve Macarro) ဆိုတဲ့ မိန်းကလေးဟာ သူမရဲ့ မိသားစုကို သတ်ခဲ့တဲ့သူတွေကို ကလဲ့စားချေဖို့အတွက် Ruska Roma (ဂျွန်ဝစ်ရဲ့ ဇာစ်မြစ်ဂိုဏ်း) ရဲ့ ရက်စက်လှတဲ့ လူသတ်သမား လေ့ကျင့်ရေးတွေကို‌ ကွင်းဆင်းလေ့ကျင့်ရင်း မိဘတွေအတွက် လက်စားချေမှာကို ကြည့်ရှုရမှာပဲဖြစ်ပါတယ် John Wick ကားတွေအတိုင်းပဲ CGI နည်းနည်း၊ တကယ့်လူကိုယ်တိုင် ကစားရတဲ့ အမိုက်စား Stunt တွေနဲ့ အက်ရှင်ရိုက်ချက်အသစ်တွေကို ခံစားရမှာပါ။