Fantasy

အရင်ကထက် ပိုမိုခက်ခဲတဲ့ Level တွေ၊ မတူညီတဲ့ ပတ်ဝန်းကျင်အသစ်တွေနဲ့ ပြန်လည်ရောက်ရှိလာတဲ့ စိတ်ကူးယဉ် အက်ရှင်ဟာသကားကြီးပါ။ Spencer တစ်ယောက် ဂိမ်းထဲကို ပြန်လည်ဝင်ရောက်သွားရာကနေ သူ့ကိုကယ်ထုတ်ဖို့ သူငယ်ချင်းတစ်သိုက် ဂိမ်းထဲကို ထပ်မံလိုက်သွားကြပေမဲ့ ဒီတစ်ခါမှာတော့ သူတို့ရဲ့ Avatar တွေက ထင်မှတ်မထားသလို ပြောင်းလဲသွားပြီး Spencer ရဲ့ အဖိုးဖြစ်သူတို့ပါ ပါဝင်လာတာကြောင့် တစ်ကားလုံး အလွဲအချော်တွေနဲ့ ရယ်နေရမှာပါ။ နှင်းဖုံးနေတဲ့ တောင်တန်းတွေကနေ ပူပြင်းတဲ့ သဲကန္တာရတွေအထိ အသက်လုပြေးလွှားရင်း ဂိမ်းကိုအနိုင်ယူဖို့ ကြိုးစားရတဲ့ အခန်းတွေက အားရစရာ Visual Effects တွေနဲ့ သင့်ကို ဖမ်းစားထားမှာပါ။ အက်ရှင်၊ ဟာသနဲ့ စွန့်စားခန်းတွေကိုမှ တစ်ဝကြီး ခံစားချင်သူတွေအတွက်တော့ အပြတ်အသတ် သဘောကျစေမယ့် ရုပ်ရှင်ကောင်းတစ်ကားပဲ ဖြစ်ပါတယ်။

နတ်ဘုရား Atlas ရဲ့ သမီးတော်တွေဖြစ်တဲ့ Hesperia နဲ့ Kalypso တို့ ဆုံးရှုံးသွားတဲ့ စွမ်းအားတွေကို ပြန်ယူဖို့ ကမ္ဘာမြေကို ကျူးကျော်လာချိန်မှာ Shazam နဲ့ သူ့ရဲ့ စွမ်းအားရှင် မွေးစားညီအစ်ကို မောင်နှမတစ်စု ဘယ်လိုရင်ဆိုင်တိုက်ခိုက်ကြမလဲဆိုတာကို ရိုက်ကူးထားတဲ့ အက်ရှင်ကားကြီးပါ။ Billy Batson တစ်ယောက် စူပါဟီးရိုးတစ်ယောက်ရဲ့ တာဝန်နဲ့ မိသားစုကို စုစည်းထားဖို့ ကြိုးစားနေရတဲ့ကြားက နဂါးကြီးတွေ၊ ထူးဆန်းတဲ့ ဒဏ္ဍာရီလာ သတ္တဝါတွေနဲ့ ကမ္ဘာကြီးကို ကယ်တင်ဖို့ တိုက်ပွဲဝင်ရမှာပါ။ Visual Effects အလန်းစားတွေ၊ ကြီးကျယ်ခမ်းနားတဲ့ တိုက်ခိုက်ခန်းတွေအပြင် တစ်ကားလုံး အလွဲအချော် ဟာသတွေနဲ့ ပြည့်နှက်နေတာကြောင့် အက်ရှင်ကိုမှ ပေါ့ပေါ့ပါးပါးနဲ့ အားရပါးရ ကြည့်ချင်သူတွေအတွက် အပြတ်အသတ် သဘောကျစေမယ့် ရုပ်ရှင်ကောင်းတစ်ကားပဲ ဖြစ်ပါတယ်။

Visual effects အမိုက်စားတွေနဲ့အတူ စိတ်ကူးယဉ်သိုင်းလောကရဲ့ ဆွဲဆောင်မှုအပြည့်ရှိတဲ့ အက်ရှင်စွန့်စားခန်း ရုပ်ရှင်ကားကြီးပဲ ဖြစ်ပါတယ်။ ဝေးလံလှတဲ့ တိုင်းပြည်တစ်ခုရဲ့ သူရဲကောင်းရွေးချယ်ပွဲမှာ ပါဝင်ယှဉ်ပြိုင်ဖို့ ထွက်ခွာလာတဲ့ လူငယ်တစ်စုဟာ သေခြင်းရှင်ခြင်းကြားက စမ်းသပ်မှုတွေ၊ ကြီးမားလှတဲ့ သတ္တဝါကြီးတွေနဲ့ မမျှော်လင့်ထားတဲ့ သစ္စာဖောက်မှုတွေကို ရင်ဆိုင်ရပုံကို ရိုက်ကူးထားတာပါ။ တိုက်ခိုက်ရေးကွက်တွေက အားရပါးရရှိလှသလို၊ သူငယ်ချင်းအချင်းချင်းကြားက သံယောဇဉ်နဲ့ တိုင်းပြည်အပေါ်ထားတဲ့ သစ္စာတရားကိုလည်း လေးလေးနက်နက် မြင်တွေ့ရမှာပါ။ Henry Lau ရဲ့ သရုပ်ဆောင်ချက်တွေနဲ့အတူ ခမ်းနားထည်ဝါတဲ့ နန်းတွင်းနောက်ခံတွေ၊ စိတ်ကူးယဉ်ဆန်တဲ့ တောတောင်အလှအပတွေက ကြည့်ရှုသူကို တခြားကမ္ဘာတစ်ခုထဲ ရောက်သွားသလိုမျိုး ခံစားရစေမှာဖြစ်လို့ Fantasy Action ကားကြိုက်သူတွေအတွက် လက်မလွှတ်သင့်တဲ့ ဇာတ်ကားကောင်းတစ်ကား ဖြစ်ပါတယ်။

၁၅ ရာစုနှောင်းပိုင်း အရှေ့ဥရောပရဲ့ သမိုင်းစာမျက်နှာတွေမှာ မင်းသား ဗလက် (Prince Vlad II) ဟာ ရဲရင့်တဲ့ စစ်သည်တော်တစ်ဦးပါ ဒါပေမဲ့ သူအရမ်းချစ်ရတဲ့ ကြင်ယာတော်ဟာ ရက်ရက်စက်စက် သတ်ဖြတ်ခံလိုက်ရတဲ့အခါမှာတော့ သူ့ရဲ့ လောကကြီးအပေါ် ထားရှိတဲ့ မေတ္တာတွေဟာ အမုန်းတရားအဖြစ် ပြောင်းလဲသွားခဲ့ပါတယ် သူဟာ ဘုရားသခင်ကို စွန့်လွှတ်ကြောင်း ကြေညာပြီး ကောင်းကင်ဘုံကို ကျိန်ဆဲခဲ့တဲ့အတွက် ထာဝရအသက်ရှင်ခြင်း ကျိန်စာသင့်ကာ ဒရာကူလာ (Dracula) ဆိုတဲ့ နာမည်နဲ့ မသေမျိုး သွေးစုပ်ဖုတ်ကောင်အဖြစ် ပြန်လည်မွေးဖွားလာခဲ့ပါတယ် ဒီကားဟာ သာမန် သရဲကားမျိုးမဟုတ်ဘဲ “Gothic Romance” အမျိုးအစားဖြစ်ပါတယ် “အချစ်အတွက်ဆိုရင် ငရဲပြည်အထိ ဆင်းရဲခံမယ်” ဆိုတဲ့ အယူအဆကို အမိုက်စား ရိုက်ပြထားတာပါ သွေးစုပ်ဖုတ်ကောင် ဇာတ်လမ်းတွေထဲမှာ အနှစ်သာရအရှိဆုံးနဲ့ အလှပဆုံး […]

ဂျွန် ကွန်စတင်တိုင်း (John Constantine) ဆိုတာ သာမန်လူတွေ မမြင်နိုင်တဲ့ နတ်ဆိုးတွေ၊ ကောင်းကင်တမန်တွေကို မြင်နိုင်စွမ်းရှိတဲ့အပြင် ငရဲပြည်အထိ သွားလာနိုင်တဲ့ ထူးခြားတဲ့ စွမ်းအားရှင်တစ်ယောက်ပါ သူဟာ လောကကြီးထဲကို ခိုးဝင်လာတဲ့ နတ်ဆိုးတွေကို ပြန်မောင်းထုတ်ရင်းနဲ့ သူ့ရဲ့ ကယ်တင်ခြင်းကို ရှာဖွေနေသူလည်း ဖြစ်ပါတယ် တစ်နေ့မှာတော့ သူ့ဆီကို ရဲမေတစ်ယောက် ရောက်လာခဲ့ပါတယ် သူမရဲ့ အမြွှာညီမလေး ဆုံးပါးသွားတာဟာ သာမန် ကိုယ့်ကိုယ်ကိုယ် သတ်သေမှု မဟုတ်ဘူးလို့ ယုံကြည်နေတဲ့အတွက် ကွန်စတင်တိုင်းရဲ့ အကူအညီကို တောင်းခံခဲ့ရာကနေ…ဘုရားသခင်နဲ့ နတ်ဆိုးဘုရင် လူစီဖာ (Lucifer) တို့ကြားက လောင်းကြေးတွေ၊ စည်းကမ်းချက်တွေကြားမှာ ကွန်စတင်တိုင်းက ဘယ်လို ဉာဏ်ကစားပြီး အမှန်တရားကို ဖော်ထုတ်မလဲဆိုတာ ရင်တထိတ်ထိတ် ကြည့်ရမှာပါ.

ပုံပြင်တွေထဲမှာတော့ မင်းသမီးလေးတွေဟာ အန္တရာယ်ကြုံရင် ကယ်တင်မယ့် မင်းသားလေးကိုပဲ မျှော်လင့်တတ်ကြတယ်မဟုတ်လား? ဒါပေမဲ့ ဒီဇာတ်လမ်းကတော့ အဲဒီလိုမဟုတ်ပါဘူး။ လှပချောမောတဲ့ မင်းသားလေးနဲ့ လက်ထပ်လိုက်ရလို့ ပျော်ရွှင်နေတဲ့ မိန်းကလေး အယ်လိုဒီ (Elodie) တစ်ယောက်… တကယ်တမ်းမှာတော့ သူမဟာ လက်ထပ်ဖို့ ရွေးချယ်ခံရတာမဟုတ်ဘဲ နဂါးကြီးအတွက် “ယဇ်ပူဇော်စာ” အဖြစ် ရောင်းစားခံလိုက်ရတာဖြစ်နေပါတယ်။ မင်္ဂလာဆောင်ပြီးတာနဲ့ သူမကို မီးမှုတ်နဂါးကြီးရှိတဲ့ ဂူနက်ကြီးထဲကို ပစ်ချလိုက်တဲ့အခါမှာတော့…

ဒေါက်တာ ဂျွန် ဒူးလစ်တဲလ် (John Dolittle) ဆိုတာ အောင်မြင်ကျော်ကြားတဲ့ ဆရာဝန်တစ်ဦးဖြစ်သလို ချစ်စရာကောင်းတဲ့ မိသားစုလေးကို ပိုင်ဆိုင်ထားသူပါ။ သူ့ဘဝက အရာရာ အဆင်ပြေချောမွေ့နေခဲ့ပေမဲ့… သူငယ်ငယ်ကတည်းက ဖျောက်ဖျက်ထားခဲ့တဲ့ “ထူးခြားဆန်းပြားတဲ့ ပါရမီ” တစ်ခု ရုတ်တရက် ပြန်နိုးထလာတဲ့အခါမှာတော့ အရာအားလုံး ပြောင်းလဲသွားပါတော့တယ်။ အဲဒီပါရမီကတော့… “တိရစ္ဆာန်တွေနဲ့ စကားပြောနိုင်တာ” ပါပဲ! ဒါကို တိရစ္ဆာန်တွေသိသွားတဲ့အခါမှာတော့ ခွေး၊ ကြောင်၊ ငှက်ကအစ လမ်းဘေးက ကြွက်တွေအထိ ဒေါက်တာ့ဆီကို အကြံဉာဏ်တောင်းဖို့ တန်းစီရောက်လာကြပါတယ်။ တိရစ္ဆာန်တွေရဲ့ ရယ်စရာကောင်းတဲ့ ပြဿနာတွေကို ဒေါက်တာဂျွန် ဒူးလစ်တဲလ်ကြီး ဘယ်လိုဖြေရှင်းပေးမလဲဆိုတာ ရယ်မောရင်းကြည့်ရှုရမှာပဲဖြစ်ပါတယ်

နတ်ဘုရားတစ်ပါးရဲ့ သွေးပါပေမဲ့ လူသားတစ်ယောက်လို ကြီးပြင်းခဲ့ရတဲ့ ပါးစီးယပ်စ် (Perseus) ဟာ သူ့မိသားစုကို ရက်ရက်စက်စက် သတ်ဖြတ်သွားတဲ့ ငရဲပြည်အရှင်သခင် ဟေးဒီးစ် (Hades) ကို လက်စားချေဖို့ တစ်ကမ္ဘာလုံးကို ငရဲပြည်အဖြစ် ပြောင်းလဲပစ်မယ့် ဟေးဒီးစ်ရဲ့ အစီအစဉ်ကို တားဆီးဖို့နဲ့ နတ်မင်းကြီး ဇု (Zeus) ရဲ့ ပလ္လင်ကို ကာကွယ်ဖို့အတွက် လျှောက်လှမ်းမယ့် သေမင်းတမန် ခရီးကြမ်း အကြောင်းကို ကြည့်ရှုရမှာပဲဖြစ်ပါတယ် ကြည့်နေရင်းနဲ့တင် ကျောချမ်းသွားစေမယ့် မြွေခေါင်းနဲ့ မက်ဒူဆာ (Medusa)၊ ကင်းမြီးကောက်ကြီးတွေနဲ့ မြို့တစ်မြို့လုံးကို ဝါးမျိုနိုင်တဲ့ ပင်လယ်နဂါးကြီး ခရာကန် (Kraken) တို့ရဲ့ တိုက်ခိုက်မှုတွေကို အမိုက်စား CGI တွေနဲ့ မြင်တွေ့ရမှာပါ

Frankenstein (သို့) ဘုရားနေရာကို လုယူဖို့ ကြိုးစားခဲ့တဲ့ သိပ္ပံပညာရှင်, လူတစ်ယောက်က သေခြင်းတရားကို အနိုင်ယူပြီး “အသက်” တစ်ခုကို ကိုယ်တိုင် ဖန်တီးနိုင်ခဲ့ရင် ဘာဖြစ်မလဲ? ဒေါက်တာ ဗစ်တာ ဖရန်ကင်စတိုင်း ဆိုတာ ဉာဏ်ကြီးရှင်တစ်ယောက်ဖြစ်သလို ကိုယ့်ကိုယ်ကိုယ် ယုံကြည်မှုလွန်ကဲနေတဲ့ သိပ္ပံပညာရှင်တစ်ဦးပါ။ သူဟာ သေဆုံးပြီးသား အလောင်းတွေကို အပိုင်းပိုင်းဖြတ်တောက်၊ ပြန်လည်စုစည်းပြီး လူသားတွေ မလုပ်ဖူးသေးတဲ့ “သက်ရှိဖန်တီးခြင်း” စမ်းသပ်မှုကို အောင်မြင်အောင် လုပ်ဆောင်ခဲ့ပါတယ်။ ဒါပေမဲ့… သူမျှော်လင့်ထားတဲ့ “နတ်သားလေး” ပေါ်မလာဘဲ ကြောက်မက်ဖွယ်ကောင်းတဲ့ “သတ္တဝါကြီး” တစ်ကောင် ပေါ်ထွက်လာတဲ့အခါမှာတော့… ဒီဂန္ထဝင်ဇာတ်လမ်းဟာ အသည်းယားစရာ သရဲကားတစ်ကားထက် ပိုပါတယ်။ လူသားတွေရဲ့ လောဘနဲ့ အထီးကျန်မှုအကြောင်းကို အကောင်းဆုံး ပုံဖော်ထားတဲ့ကားလေးမို့ ကြည့်ရှုခံစားသွားကြပါအုန်း