Movies

ရှေးဟောင်းအီဂျစ်ဒဏ္ဍာရီလာ နတ်ဘုရားတွေရဲ့ အာဏာလုပွဲနဲ့ စွန့်စားခန်းတွေကို ကြီးကျယ်ခမ်းနားတဲ့ Visual Effects တွေနဲ့ ပုံဖော်ထားတဲ့ အက်ရှင် Fantasy ကားကြီးပါ။ ရက်စက်တဲ့ အမှောင်ထုနတ်ဘုရား Set က ထီးနန်းကို အဓမ္မသိမ်းပိုက်လိုက်တဲ့အခါမှာတော့ နုပျိုတဲ့ နတ်ဘုရား Horus ဟာ လူသားသူခိုးလေးတစ်ယောက်နဲ့ ပူးပေါင်းပြီး တိုင်းပြည်ကို ပြန်လည်ကယ်တင်ဖို့ ကြိုးစားရပုံကို ရိုက်ကူးထားတာဖြစ်ပါတယ်။ ရွှေရောင်တောက်ပတဲ့ နတ်ဘုရားတွေရဲ့ တိုက်ပွဲတွေ၊ ထူးဆန်းတဲ့ သတ္တဝါကြီးတွေနဲ့ ရင်သပ်ရှုမောဖွယ် နန်းတော်ကြီးတွေကို အားရစရာ မြင်တွေ့ရမှာပါ။ ဒဏ္ဍာရီဆန်ဆန် အက်ရှင်ကားတွေကိုမှ တစ်ကားလုံး ရွှေရောင်တဝင်းဝင်းနဲ့ အမိုက်စား CGI တွေ ကြည့်ချင်သူတွေအတွက်တော့ အပြတ်အသတ် သဘောကျစေမယ့် ရုပ်ရှင်ကောင်းတစ်ကားပဲ ဖြစ်ပါတယ်။

နတ်ဘုရား Atlas ရဲ့ သမီးတော်တွေဖြစ်တဲ့ Hesperia နဲ့ Kalypso တို့ ဆုံးရှုံးသွားတဲ့ စွမ်းအားတွေကို ပြန်ယူဖို့ ကမ္ဘာမြေကို ကျူးကျော်လာချိန်မှာ Shazam နဲ့ သူ့ရဲ့ စွမ်းအားရှင် မွေးစားညီအစ်ကို မောင်နှမတစ်စု ဘယ်လိုရင်ဆိုင်တိုက်ခိုက်ကြမလဲဆိုတာကို ရိုက်ကူးထားတဲ့ အက်ရှင်ကားကြီးပါ။ Billy Batson တစ်ယောက် စူပါဟီးရိုးတစ်ယောက်ရဲ့ တာဝန်နဲ့ မိသားစုကို စုစည်းထားဖို့ ကြိုးစားနေရတဲ့ကြားက နဂါးကြီးတွေ၊ ထူးဆန်းတဲ့ ဒဏ္ဍာရီလာ သတ္တဝါတွေနဲ့ ကမ္ဘာကြီးကို ကယ်တင်ဖို့ တိုက်ပွဲဝင်ရမှာပါ။ Visual Effects အလန်းစားတွေ၊ ကြီးကျယ်ခမ်းနားတဲ့ တိုက်ခိုက်ခန်းတွေအပြင် တစ်ကားလုံး အလွဲအချော် ဟာသတွေနဲ့ ပြည့်နှက်နေတာကြောင့် အက်ရှင်ကိုမှ ပေါ့ပေါ့ပါးပါးနဲ့ အားရပါးရ ကြည့်ချင်သူတွေအတွက် အပြတ်အသတ် သဘောကျစေမယ့် ရုပ်ရှင်ကောင်းတစ်ကားပဲ ဖြစ်ပါတယ်။

ဒီကားဟာ တောင်ကိုရီးယားရဲ့ အကောင်းဆုံး Crime Thriller ရုပ်ရှင်တွေထဲက တစ်ခုဖြစ်ပြီး Hong Kong ရုပ်ရှင် Eye in the Sky (2007) ကို ပြန်လည်ရိုက်ကူးထားတာဖြစ်ပါတယ် ကိုရီးယားမှာတင် ကြည့်ရှုသူ ၅ သန်းကျော် ရရှိခဲ့ပြီး Box Office မှာ အတော်လေး အောင်မြင်ခဲ့တဲ့ ကားတစ်ကား ဖြစ်ပါတယ် မှုခင်းထောက်လှမ်းရေးလောကထဲက “စောင့်ကြည့်ထောက်လှမ်းခြင်း” (Surveillance) အတတ်ပညာကို အရမ်းကို အသေးစိတ်ကျကျ ပုံဖော်ထားတဲ့ ဇာတ်ကားပါ ဇာတ်လမ်းအစကနေ အဆုံးထိ တစ်စက္ကန့်မှ မျက်တောင်ခတ်လို့မရအောင် ဆွဲခေါ် သွားမယ်ကားလေးပါ တကယ့်ရဲတွေ လူအုပ်ကြားထဲမှာ လူဆိုးကို ဘယ်လိုရှာမလဲ၊ ဘယ်လိုနောက်ယောင်ခံလိုက်မလဲဆိုတာတွေကို တကယ့်လက်တွေ့ကျကျ ရိုက်ပြထားတာပါ

ဖြောင့်မတ်ပြီး ဒေါသကြီးတဲ့ အစိုးရရှေ့နေ ဗြောင်ဂျေဝတ် (Byun Jae-wook) ဟာ သူတရားစွဲဆိုနေတဲ့ သံသယရှိသူတစ်ယောက် အသတ်ခံရမှုမှာ လူသတ်သမားအဖြစ် အကွက်ချစွပ်စွဲခံလိုက်ရပါတယ်။ တရားဥပဒေကို ကိုင်တွယ်ခဲ့သူကိုယ်တိုင် ထောင်ဒဏ် ၁၅ နှစ် ကျခံခဲ့ရပြီး အကျဉ်းထောင်ထဲ ရောက်သွားတဲ့အခါမှာတော့ အပြင်ထွက်လို့မရတဲ့ ရှေ့နေကြီးဟာ ထောင်ထဲကနေ ကြိုးကိုင်ပြီး အပြင်ကလူလိမ်လေးကို သူ့ရဲ့ “ရုပ်သေးရုပ်” အဖြစ် အသုံးချပြီး အမှန်တရားကို ဘယ်လိုဖော်ထုတ်မလဲဆိုတာ ရင်တထိတ်ထိတ် ကြည့်ရမှာပါ

ဒေါက်တာ ဂျွန် ဒူးလစ်တဲလ် (John Dolittle) ဆိုတာ အောင်မြင်ကျော်ကြားတဲ့ ဆရာဝန်တစ်ဦးဖြစ်သလို ချစ်စရာကောင်းတဲ့ မိသားစုလေးကို ပိုင်ဆိုင်ထားသူပါ။ သူ့ဘဝက အရာရာ အဆင်ပြေချောမွေ့နေခဲ့ပေမဲ့… သူငယ်ငယ်ကတည်းက ဖျောက်ဖျက်ထားခဲ့တဲ့ “ထူးခြားဆန်းပြားတဲ့ ပါရမီ” တစ်ခု ရုတ်တရက် ပြန်နိုးထလာတဲ့အခါမှာတော့ အရာအားလုံး ပြောင်းလဲသွားပါတော့တယ်။ အဲဒီပါရမီကတော့… “တိရစ္ဆာန်တွေနဲ့ စကားပြောနိုင်တာ” ပါပဲ! ဒါကို တိရစ္ဆာန်တွေသိသွားတဲ့အခါမှာတော့ ခွေး၊ ကြောင်၊ ငှက်ကအစ လမ်းဘေးက ကြွက်တွေအထိ ဒေါက်တာ့ဆီကို အကြံဉာဏ်တောင်းဖို့ တန်းစီရောက်လာကြပါတယ်။ တိရစ္ဆာန်တွေရဲ့ ရယ်စရာကောင်းတဲ့ ပြဿနာတွေကို ဒေါက်တာဂျွန် ဒူးလစ်တဲလ်ကြီး ဘယ်လိုဖြေရှင်းပေးမလဲဆိုတာ ရယ်မောရင်းကြည့်ရှုရမှာပဲဖြစ်ပါတယ်

FBI အေးဂျင့် မယ်လ်ကွန် (Malcolm) ဆိုတာ ရုပ်ဖျက်ရမှာ ဆရာတစ်ဆူပါ။ တစ်နေ့မှာတော့ ထောင်ပြေးတစ်ယောက်ရဲ့ ရည်းစားဟောင်းနဲ့ ကလေးကို ‌‌‌‌စောင့်ကြည့်ဖို့ ထောင်ပြေးရည်းစားဟောင်းရဲ့ အဖွားအိမ်ကို စေလွတ်ခြင်းခံခဲ့ရပါတယ် စောင့်ကြည့်နေတုန်းအဖွားကြီးခရီးသွားတာကို အခွင့်ကောင်းယူပြီး အဖွားကြီးလို ရုပ်ဖျက်ကာ ထောင်ပြေးကိုစောင့်ဖမ်းမှာကို ကြည့်ရှုရမယ့် ဟာသကားလေးပဲဖြစ်ပါတယ်

တစ်မိနစ်တောင်မပြည့်တဲ့ အချိန်လေးက မင်းရဲ့ ကံကြမ္မာကို ပြောင်းလဲနိုင်မလား? Tech Blogger လေးတစ်ယောက်ဟာ သူအားကျရတဲ့ Tech Guru ကြီးနဲ့ အင်တာဗျူးခွင့်ရဖို့စောင့်နေတဲ့အချိန်မှာ သူ့ဘဝကို ပြောင်းလဲစေမယ့် “လုပ်ကြံမှု” တစ်ခု ဖြစ်လာခဲ့ပါတယ် အဲ့ဒီလုပ်ကြံမှုကို တားဆီးရင်း “လက်စွပ်” တစ်ကွင်းကို ကောက်ရသွားပါတော့တယ် အဲ့လက်စွပ်ဟာ လူကို အတိတ်ဆီ ၅၇ စက္ကန့် နောက်ပြန်ဆုတ်ပေးနိုင်တဲ့ လက်စွပ်ဖြစ်နေတဲ့အခါမှာတော့ … “တစ်မိနစ်တောင် မပြည့်တဲ့ အချိန်လေးထဲမှာ မင်း ဘာတွေ ပြောင်းလဲပစ်နိုင်မလဲ?” ဒီစွမ်းအားကို သုံးပြီး သူ့ဘဝအတွက် အခွင့်အရေးတွေ ယူမလား? ဒါမှမဟုတ် ပိုကြီးမားတဲ့ ပူးပေါင်းကြံစည်မှုတွေကို ဖော်ထုတ်မလား?

“မင်းကို ငါ မကာကွယ်နိုင်ခဲ့ဘူး… ဒါပေမဲ့ မင်းကို ဒီလိုဖြစ်အောင်လုပ်တဲ့သူကိုတော့ ငါ အရှင်ထားမှာမဟုတ်ဘူး။” ဒါကတော့ သာမန် အက်ရှင်ကားတစ်ကား မဟုတ်ပါဘူး။ ကိုယ်ရံတော်ဟောင်း (Bodyguard) တစ်ယောက်ဖြစ်တဲ့ အော့ဂျူ (Ok-ju) ရဲ့ သွေးအေးအေးနဲ့ ကလဲ့စားချေတဲ့ ခရီးစဉ်ပါ။ သူမရဲ့ အချစ်ဆုံးသူငယ်ချင်း “ဘဲလေးကသမားလေး” ကို ရက်ရက်စက်စက် ဒုက္ခပေးခဲ့တဲ့သူတွေကို လိုက်လံအမဲလိုက်တဲ့ ဇာတ်လမ်းပါ။ “အသားကုန် မိုက်တဲ့ အက်ရှင်တွေ၊ လှပတဲ့ ရိုက်ချက်တွေနဲ့ အတူ… မတရားမှုကို ကိုယ်တိုင် လက်စားချေပြမယ့် ပုံစံမျိုးကို ကြိုက်ရင်တော့ ဒါကို လုံးဝ လက်မလွှတ်ပါနဲ့။”