Movies

တောင်ကိုရီးယားရုပ်ရှင်လောကရဲ့ ပြိုင်ဘက်ကင်း ပြောင်မြောက်လှတဲ့ လက်ရာတစ်ခုဖြစ်ပြီး ကြည့်ရှုသူကို အံ့အားသင့်စရာ အလှည့်အပြောင်းတွေနဲ့အတူ မှင်သက်သွားစေမယ့် လက်စားချေမှုဆိုင်ရာ ရုပ်ရှင်ကားကြီးပါ။ အကြောင်းရင်းမရှိဘဲ အခန်းကျဉ်းလေးတစ်ခုထဲမှာ ၁၅ နှစ်ကြာအောင် ပိတ်လှောင်ခံထားရတဲ့ အမျိုးသားတစ်ယောက်ဟာ မထင်မှတ်ဘဲ ပြန်လည်လွတ်မြောက်လာတဲ့အခါမှာတော့ သူ့ကို ဘယ်သူက၊ ဘာကြောင့် အခုလိုလုပ်ခဲ့သလဲဆိုတာကို လိုက်လံစုံစမ်းပါတော့တယ်။ ဒီဇာတ်ကားမှာ ပါဝင်တဲ့ တစ်ဆက်တည်းရိုက်ကူးထားတဲ့ (Long Take) အမြှောင်လိုက် တိုက်ခိုက်ရေးခန်းတွေက ကမ္ဘာကျော်ခဲ့သလို၊ လူ့စိတ်ရဲ့ နက်ရှိုင်းတဲ့ အမှောင်ဘက်ခြမ်းနဲ့ နာကျင်စရာကောင်းတဲ့ လျှို့ဝှက်ချက်တွေကို ပေါ်လွင်အောင် ရိုက်ကူးထားတာပါ။ မင်းသားကြီး Choi Min-sik ရဲ့ ရူးသွပ်လုနီးပါး ပြောင်မြောက်လှတဲ့ သရုပ်ဆောင်ချက်တွေက ဇာတ်လမ်းတစ်လျှောက်လုံး သင့်ကို အသက်ရှူမှားအောင် ဖမ်းစားထားမှာပါ။ အက်ရှင်၊ လျှို့ဝှက်ချက်နဲ့ စိတ်လှုပ်ရှားစရာတွေကိုမှ အဆင့်အတန်းမြင့်မြင့် ခံစားချင်သူတွေအတွက်တော့ ဒီရုပ်ရှင်ဟာ […]

အက်ရှင်ရုပ်ရှင်လောကရဲ့ စံနှုန်းသစ်တစ်ခုကို သတ်မှတ်ပေးခဲ့တဲ့ အင်ဒိုနီးရှား ရုပ်ရှင်ကားကြီးဖြစ်ပြီး အစကနေ အဆုံးထိ သွေးပူစရာ အက်ရှင်ခန်းတွေနဲ့ ပြည့်နှက်နေပါတယ်။ ရာဇဝတ်ကောင်တွေ အပြည့်ရှိတဲ့ အထပ်မြင့်အဆောက်အဦးကြီးတစ်ခုထဲကို ရဲတပ်ဖွဲ့ဝင်တစ်စုက ဝင်ရောက်စီးနင်းရာကနေ မမျှော်လင့်ဘဲ ပိတ်မိသွားပြီး တစ်ထပ်ချင်းစီမှာ ရှိနေတဲ့ လူမိုက်တွေနဲ့ အသက်လုတိုက်ပွဲဝင်ရပုံကို ရိုက်ကူးထားတာပါ။ အင်ဒိုနီးရှားရိုးရာ ကိုယ်ခံပညာ (Pencak Silat) ကို အခြေခံထားတဲ့ တိုက်ခိုက်ရေးကွက်တွေက အရိုးကွဲသံ ကြားရလောက်အောင် လက်တွေ့ဆန်ပြီး ကြမ်းတမ်းလှတာကြောင့် ကြည့်ရှုသူကို ရင်တုန်ပန်းတုန် ဖြစ်စေမှာပါ။ မင်းသား Iko Uwais ရဲ့ လျင်မြန်ဖြတ်လတ်လှတဲ့ လှုပ်ရှားမှုတွေနဲ့အတူ အကွက်စိပ်စိပ် ရိုက်ချက်တွေက သင့်ကို ထိုင်ခုံကနေ မထနိုင်အောင် ဖမ်းစားထားမှာ ဖြစ်ပါတယ်။ စစ်မှန်တဲ့ အက်ရှင်ကားအစစ်အမှန်ကိုမှ ခံစားချင်သူတွေအတွက်တော့ ဒီဇာတ်ကားဟာ ဂန္တဝင်စာရင်းဝင် လက်မလွှတ်သင့်တဲ့ […]

Visual effects အမိုက်စားတွေနဲ့အတူ စိတ်ကူးယဉ်သိုင်းလောကရဲ့ ဆွဲဆောင်မှုအပြည့်ရှိတဲ့ အက်ရှင်စွန့်စားခန်း ရုပ်ရှင်ကားကြီးပဲ ဖြစ်ပါတယ်။ ဝေးလံလှတဲ့ တိုင်းပြည်တစ်ခုရဲ့ သူရဲကောင်းရွေးချယ်ပွဲမှာ ပါဝင်ယှဉ်ပြိုင်ဖို့ ထွက်ခွာလာတဲ့ လူငယ်တစ်စုဟာ သေခြင်းရှင်ခြင်းကြားက စမ်းသပ်မှုတွေ၊ ကြီးမားလှတဲ့ သတ္တဝါကြီးတွေနဲ့ မမျှော်လင့်ထားတဲ့ သစ္စာဖောက်မှုတွေကို ရင်ဆိုင်ရပုံကို ရိုက်ကူးထားတာပါ။ တိုက်ခိုက်ရေးကွက်တွေက အားရပါးရရှိလှသလို၊ သူငယ်ချင်းအချင်းချင်းကြားက သံယောဇဉ်နဲ့ တိုင်းပြည်အပေါ်ထားတဲ့ သစ္စာတရားကိုလည်း လေးလေးနက်နက် မြင်တွေ့ရမှာပါ။ Henry Lau ရဲ့ သရုပ်ဆောင်ချက်တွေနဲ့အတူ ခမ်းနားထည်ဝါတဲ့ နန်းတွင်းနောက်ခံတွေ၊ စိတ်ကူးယဉ်ဆန်တဲ့ တောတောင်အလှအပတွေက ကြည့်ရှုသူကို တခြားကမ္ဘာတစ်ခုထဲ ရောက်သွားသလိုမျိုး ခံစားရစေမှာဖြစ်လို့ Fantasy Action ကားကြိုက်သူတွေအတွက် လက်မလွှတ်သင့်တဲ့ ဇာတ်ကားကောင်းတစ်ကား ဖြစ်ပါတယ်။

မြို့ပြကြီးတစ်ခုလုံး မြေပြင်နဲ့ တစ်သားတည်းဖြစ်သွားစေမယ့် အဆိုးဝါးဆုံး ငလျင်ဘေးဒုက္ခကြားမှာ မိသားစုကို ပြန်လည်စုစည်းဖို့ ကြိုးစားတဲ့ ရဟတ်ယာဉ်မှူးတစ်ယောက်ရဲ့ စွန့်စားခန်းကို San Andreas (2015) မှာ အားရပါးရ ရှုစားရမှာပါ။ ခေတ်မီနည်းပညာတွေနဲ့ ဖန်တီးထားတဲ့ ရင်သပ်ရှုမောဖွယ် မြို့ပျက်ကြီးတွေ၊ ဆူနာမီလှိုင်းလုံးကြီးတွေနဲ့ အဆောက်အဦးတွေ ပြိုကျပျက်စီးနေတဲ့ မြင်ကွင်းတွေက ကြည့်ရှုသူကို ရုပ်ရှင်ထဲ ရောက်သွားသလိုမျိုး ထိတ်လန့်တုန်လှုပ်စေမှာပါ။ အပန်းဖြေရင်း ရင်ခုန်စိတ်လှုပ်ရှားစရာ အက်ရှင်ကားကောင်းကောင်း ကြည့်ချင်သူတွေအတွက်တော့ ဒီဇာတ်ကားဟာ အစကနေ အဆုံးထိ မျက်တောင်မခတ်ရအောင် ဆွဲဆောင်ထားနိုင်မယ့် ကားကောင်းတစ်ကားဖြစ်ပါတယ်။

နွေရာသီ အပူဒဏ်ကို ရေကူးကန်မှာ အပန်းဖြေဖို့ ကြံစည်နေသလား? ဒီကားကို ကြည့်ပြီးရင်တော့ သင် ရေချိုးဖို့တောင် စဉ်းစားရပါလိမ့်မယ်! Piranha 3DD ကတော့ ပထမကားထက် ပိုကြမ်း၊ ပိုဟော့ပြီး ပိုသွေးပျက်ဖို့ ကောင်းလာပါတယ် ဒီတစ်ခေါက်မှာတော့ ရှေးဟောင်းပီရန်ညာငါးတွေက ပင်လယ်ထဲမှာတင် မဟုတ်တော့ဘဲ လူအများအပြား အပန်းဖြေနေတဲ့ “The Big Wet” ဆိုတဲ့ ရေပန်းဥယျာဉ် (Water Park) ထဲကို ပိုက်လိုင်းတွေကတစ်ဆင့် လူတွေ ပျော်ပါးနေတုန်း ရောက်ရှိလာတဲ့ အခါမှာတော့ … 18+ အခန်းတွေနဲ့ Horror နဲ့ Comedy ကို ရောသမမွှေထားလို့ တစ်ကိုယ်ရည် အပန်းဖြေရင်း ကြည့်ဖို့ဖြစ်ဖြစ်၊ သူငယ်ချင်းတွေနဲ့ စုကြည့်ပြီး အော်ရယ်ဖို့ဖြစ်ဖြစ် အကောင်းဆုံးကားတစ်ကားဆိုမို့ ရှုစားသွားကြပါအုန်း

“လူမှားရင် ဘဝပျက်သွားနိုင်တယ်” ဆိုတဲ့စကားကို အကောင်းဆုံး သက်သေပြခဲ့တဲ့ ရုပ်ရှင်ပါ ဇာတ်လမ်းအစမှာတော့ မိမိချစ်ရတဲ့ ဇနီးသည် ကွယ်လွန်သွားပြီးနောက် အထီးကျန်ဆန်စွာ ကျန်ရစ်ခဲ့တဲ့ John Wick ဆိုတဲ့ အမျိုးသားတစ်ယောက်ကို တွေ့ရမှာပါ သူ့ရဲ့ တစ်ဦးတည်းသော အဖော်မွန်ကတော့ ဇနီးသည် နောက်ဆုံးလက်ဆောင်ပေးခဲ့တဲ့ ခွေးလေးတစ်ကောင်ပါပဲ ဒါပေမဲ့ ကံကြမ္မာရဲ့ အလှည့်အပြောင်းက လူမိုက်သားတစ်စုဟာ သူ့ရဲ့ တန်ဖိုးထားရတဲ့ ကားကို လိုချင်ရုံတင်မကဘဲ သူ့ရဲ့ မျှော်လင့်ချက်ဖြစ်တဲ့ ခွေးလေးကိုပါ သတ်ဖြတ်သွားခဲ့ရာကနေ ဇာတ်လမ်းက စတင်တာ ဖြစ်ပါတယ် သူတို့ မသိလိုက်တာက သူတို့ အိမ်ထဲဝင်ပြီး စော်ကားမိတဲ့သူဟာ သာမန်လူတစ်ယောက်မဟုတ်ဘဲ တစ်ချိန်က မြေအောက်လောကကို တုန်လှုပ်စေခဲ့တဲ့ “Baba Yaga” လို့ အမည်တွင်တဲ့ ဒဏ္ဍာရီလာ လူသတ်သမားကြီး ဖြစ်နေတာပါပဲ အဲဒီအချိန်ကစပြီး […]

အငြိမ်းစားယူထားတဲ့ ကြေးစားလူသတ်သမားဟောင်းတစ်ယောက်ဟာ လောကကြီးကို ကျောခိုင်းပြီး တိတ်ဆိတ်စွာ နေထိုင်တော့မယ်လို့ ဆုံးဖြတ်ပြီးကာမှ အရင်ကပတ်သက်ခဲ့ဘူးတဲ့ ကောင်မလေးရဲ့ ကလေးဟာ လူကုန်ကူးဂိုဏ်းတွေရဲ့ လက်ချက်နဲ့ ပြန်ပေးဆွဲခံလိုက်ရပြီး ကောင်မလေးကပါ လူကုန်ကူးဂိုဏ်းတွေရဲ့ သတ်ဖြတ်ခြင်းကို ခံလိုက်ရပါတော့တယ် ကောင်မလေးရဲ့ သတင်းကိုကြားပြီး စုံစမ်းမိရာကနေ ပြန်ပေးဆွဲခံလိုက်ရတဲ့ကလေးဟာ သူ့ကလေးမှန်းသိသွားတဲ့အခါမှာတော့ ကလေးကိုပြန်ကယ်ဖို့ ဘန်ကောက်ထိသွားပြီး ရေကုန်ရေခမ်းကြိုးစားပါတော့တယ် ကလေးကိုကယ်တင်ဖို့လုပ်နေတုန်းမှာပဲ အတိတ်ကသတ်ဖြတ်ခဲ့ဘူးတဲ့ ယာကူဇာဂိုဏ်းခေါင်းဆောင်ရဲ့ ညီဖြစ်သူကပါ သူ့ကို လက်စားပြန်ချေဖို့လိုက်လာတဲ့အခါမှာတော့ ….

၁၉၄၅ ခုနှစ်၊ ဧပြီလ။ ဒုတိယကမ္ဘာစစ်ကြီးရဲ့ နောက်ဆုံးအချိန်ကာလ… ဥရောပစစ်မျက်နှာမှာ မဟာမိတ်တပ်တွေဟာ နာဇီဂျာမနီရဲ့ နှလုံးသားဆီကို အပြတ်တိုက်ဖို့ ချီတက်နေကြပါတယ်။ စစ်မြေပြင်မှာ ဝါရင့်နေတဲ့ ဆာဂျင် “ဝါးဒတ်ဒီ” (Wardaddy) ဟာ “Fury” လို့ အမည်ပေးထားတဲ့ ရှာမန်တင့်ကား (Sherman Tank) တစ်စီးနဲ့အတူ သူ့ရဲ့ ရဲဘော်ငါးယောက်ကို ဦးဆောင်ပြီး ရန်သူ့နယ်မြေထဲမှာ အန္တရာယ်အရှိဆုံး တာဝန်တွေကို ကျေပွန်အောင် ဘယ်လိုစွမ်းဆောင်မယ်ဆိုတဲ့အကြောင်း ရိုက်ကူးထားတဲ့စစ်ကားလေးပဲဖြစ်ပါတယ် ဒီကားက စစ်ပွဲကို သူရဲကောင်းဆန်ဆန် အမွှမ်းတင်ထားတာမျိုး မဟုတ်ပါဘူး။ သွေး၊ ရွှံ့နွံ၊ ကြောက်ရွံ့မှုနဲ့ စစ်ကြောင့် လူတွေရဲ့ စိတ်ဓာတ်တွေ ဘယ်လိုပျက်စီးသွားလဲဆိုတာကို ရင်နာစရာကောင်းအောင် ရိုက်ပြထားတာပါ။ ဒီဇာတ်ကားဟာ Brad Pitt အပြင် Shia LaBeouf တို့လို မင်းသားတွေရဲ့ […]

လူသားတွေဟာ အာကာသထဲကသက်ရှိတွေနဲ့ ဆက်သွယ်နိုင်ဖို့ ကမ္ဘာမြေပေါ်ကနေ အချက်ပြလှိုင်းတွေ ပို့လွှတ်လိုက်တာကစပါတယ် အာကာသထဲက အချက်ပြလှိုင်းကိုရသွားတဲ့ ဂြိုလ်သားတွေဟာ ကမ္ဘာမြေပေါ်ကိုနှုတ်ဆက်ဖို့ မဟုတ်ဘဲ သိမ်းယူဖို့ ရှေ့ပြေးစစ်ယာဥ် ၄စီးနဲ့ ရောက်လာကြပါတော့တယ် ဂြိုလ်သားတွေဟာ သူတို့ဆင်းသက်လာတဲ့ နေရာတစ်ဝိုက်ကို တံတိုင်းနဲ့ကာပြီး သူတို့ရဲ့ကျန်ရှိနေတဲ့တပ်တွေကို ကမ္ဘာမြေဆီလိုက်လာဖို့ အချက်ပြဖို့ကြိုးစားတဲ့အခါမှာတော့ အဲ့တံတိုင်းထဲမှာ ပိတ်မိနေတဲ့ စစ်ရေးလေ့ကျင့်နေတဲ့ အမေရိကန် နဲ့ ဂျပန် စစ်သင်္ဘော ၃ စင်းက အဆမတန်အင်အားသာလွန်တဲ့ ဂြိုလ်သားယာဥ်ကြီးတွေကို အချက်မပြနိုင်တော့အောင် ရှယ်ဗျင်းမှာကို စိတ်ဝင်စားဖွယ် ကြည့်ရှုရမှာပဲဖြစ်ပါတယ်

အထက်တန်းကျောင်းသားဘဝက အလွဲတွေဟာ အခုတော့ အမှတ်တရတွေ ဖြစ်ကုန်ပါပြီ။ အမြဲတမ်း တစ်လွဲလုပ်တတ်တဲ့ ဂျင်မ် (Jim) နဲ့ သူ့ရဲ့ချစ်သူ မီရှဲလ် (Michelle) တို့ဟာ လက်ထပ်ဖို့ ပြင်ဆင်နေကြပါပြီ။ ဂျင်မ်ရဲ့ အဘွားက ကျန်းမာရေးမကောင်းတာကြောင့် သူတို့ဟာ မင်္ဂလာပွဲကို အမြန်ဆုံးကျင်းပဖို့ ဆုံးဖြတ်လိုက်ကြတဲ့အခါမှာတော့ မင်္ဂလာပွဲဟာအေးအေးဆေးဆေးပဲ ပြီးသွားမလား ဘယ်လိုတွေလွဲကြအုန်းမလဲဆိုတာ ရယ်မောရင်းကြည့်ရှုသွားကြပါအုန်း