Movies

လျှို့ဝှက်ချက်တွေ၊ အတိတ်မီးစွဲလောင်မှုတွေနဲ့ မာယာလောကရဲ့ ထိပ်တိုက်ရင်ဆိုင်မှုကို ပြသတဲ့ အမိုက်စား Mystery Thriller ကား ခေတ်ဟောင်း ဗြိတိသျှ မှော်ပညာလောကရဲ့ နောက်ကွယ်က ပြိုင်ဆိုင်မှုပြင်းထန်လှတဲ့ အကြောင်းအရာကို ရိုက်ကူးထားတဲ့ The Prestige (2006) ကတော့ အစအဆုံး ဉာဏ်ချင်းပြိုင်၊ သံသယဝင်စရာတွေနဲ့ ပြည့်နှက်နေတဲ့ ကားကောင်းတစ်ကားပါပဲ။ ဇာတ်လမ်းစတာကတော့ အစပိုင်းမှာ ရင်းနှီးတဲ့ မိတ်ဆွေတွေဖြစ်ခဲ့ကြပေမဲ့ မထင်မှတ်တဲ့ မတော်တဆမှုတစ်ခုကြောင့် တစ်ယောက်နဲ့တစ်ယောက် အသည်းအသန် ရန်သူတွေဖြစ်သွားကြတဲ့ မှော်ပညာရှင် နှစ်ဦးရဲ့ အကြောင်းကနေ စတာပါပဲ။ ရောဘတ်နဲ့ အယ်လ်ဖရက် တို့နှစ်ယောက်ဟာ အကောင်းဆုံး မှော်ပညာရှင် တစ်ယောက်ဖြစ်လာဖို့အတွက် တစ်ယောက်ထက်တစ်ယောက် ပိုသာအောင်၊ နောက်ဆုံးမှာတော့ အဖိုးအနားကြီး ပေးဆပ်ပြီး တိုက်ပွဲဝင်ကြပါတော့တယ်။ တစ်ယောက်ရဲ့ လျှို့ဝှက်ချက်ကို တစ်ယောက် ဖော်ထုတ်ဖို့ ကြိုးစားရင်း၊ […]

လောင်းကစားလောကရဲ့ လှည့်ကွက်တွေ၊ သစ္စာဖောက်မှုတွေနဲ့ ရင်ဖိုစရာ အကောင်းဆုံး Crime Thriller ကား ကိုရီးယားရဲ့ နာမည်ကြီး လောင်းကစား Crime ဇာတ်ကားတွေထဲမှာ ဘယ်တော့မှ ရိုးသွားမယ့်မရှိတဲ့ လက်ရာတစ်ခုဖြစ်တဲ့ Tazza: The High Rollers ကတော့ အစအဆုံး ရင်တထိတ်ထိတ်နဲ့ ကြည့်ရမယ့် ကားကောင်းတစ်ကားပါပဲ။ ဇာတ်လမ်းစတာကတော့ ငွေကြေးတွေ အလွယ်တကူ ရှာချင်ဇောနဲ့ လောင်းကစားလောကထဲ ရောက်သွားပြီး အရှုံးနဲ့ ရင်ဆိုင်လိုက်ရတဲ့ လူငယ်လေး ဂိုနီ တစ်ယောက် အစွန်းရောက် လောင်းကစား ပညာရှင်ကြီးဆီမှာ ပညာသင်ယူရင်း တဖြည်းဖြည်းနဲ့ ကျွမ်းကျင်လာတဲ့နေရာကနေ စတာပါပဲ။ အဲဒီနောက်မှာတော့ သူလိုပဲ ကြီးပွားချင်ဇောရှိပြီး ဆွဲဆောင်မှုရှိတဲ့ မာဒမ်ဂျောင်နဲ့ ပူးပေါင်းမိရာကနေ တဖြည်းဖြည်းနဲ့ အန္တရာယ်များတဲ့ လောင်းကစားဝိုင်းတွေ၊ သစ္စာဖောက်မှုတွေ၊ လှည့်ကွက်ပေါင်းစုံနဲ့ ပြည့်နှက်နေတဲ့ […]

စိတ္တဇဆန်ဆန် မာယာတွေနဲ့ အချစ်ရေးနောက်ကွယ်က အန္တရာယ်ရှိတဲ့ ၉၀ ရဲ့ Erotic Thriller ကားကောင်း ၉၀ ပြည့်လွန်နှစ်တွေက နာမည်ကြီးခဲ့တဲ့ Erotic Thriller အမျိုးအစားကို ကြိုက်နှစ်သက်တဲ့ ရုပ်ရှင်ချစ်သူတွေအတွက် လီဆာ ဇိန်း နဲ့ ဟယ်ရီ ဟမ်းလင်း တို့ရဲ့ Save Me (1994) ကတော့ ဇာတ်အကွက်စိပ်စိပ်နဲ့ ဆွဲဆောင်မှုရှိရှိ ကြည့်ရမယ့် ကားကောင်းတစ်ကားပါပဲ။ ဇာတ်လမ်းစတာကတော့ စိတ်ပိုင်းဆိုင်ရာ ဝေဒနာခံစားနေရတဲ့ အမျိုးသမီးတစ်ယောက် ကုထုံးဆရာ စိတ်ကျန်းမာရေး ဆရာဝန်ရဲ့ ဆေးခန်းကို ရောက်ရှိလာတဲ့နေရာကနေ စတာပါပဲ။ ဆရာဝန် Jim (Harry Hamlin) ဟာ သူ့ရဲ့ လူနာ အေးလီ – Ellie (Lisa Zane) ရဲ့ ဆွဲဆောင်မှုရှိတဲ့ […]

တကယ့်ဖြစ်ရပ်မှန်ကို အခြေခံထားပြီး ရင်ကို ပူလောင်နာကျင်စေမယ့် တောင်ကိုရီးယားရဲ့ နာမည်ကျော် ဒရာမာကား နာမည်ကြီး Squid Game ရဲ့ ဒါရိုက်တာ Hwang Dong-hyuk ကိုယ်တိုင် ရိုက်ကူးခဲ့ပြီး မင်းသား Gong Yoo နဲ့ မင်းသမီး Jung Yu-mi တို့ အဓိကပါဝင် သရုပ်ဆောင်ထားတဲ့ Silenced (도가니) ကတော့ ကြည့်ပြီးတဲ့အခါ ရင်ထဲမှာ အတန်ကြာအောင် စွဲလန်းလေးလံနေစေမယ့် ရုပ်ရှင်ကောင်းတစ်ကားပါပဲ။ ဇာတ်လမ်းစတာကတော့ အနုပညာဆရာ ကိုင်းအင်ဟို (Gong Yoo) တစ်ယောက် မြို့ငယ်လေးတစ်မြို့က နားမကြား၊ အပြောမရတဲ့ မသန်စွမ်းကျောင်းလေးတစ်ခုမှာ အလုပ်စဝင်တဲ့နေရာကနေ စတာပါပဲ။ အဲဒီကျောင်းမှာ အမှန်တကယ် ဖြစ်ပျက်နေတဲ့ ကလေးငယ်တွေအပေါ် ကျောင်းအုပ်ကြီးနဲ့ တာဝန်ရှိသူတွေ ကျူးလွန်နေတဲ့ ကြောက်မက်ဖွယ် ရက်စက်ယုတ်မာမှုတွေကို […]

သာမန် ဂြိုဟ်သား ကျူးကျော်ရေး ကားမျိုး မဟုတ်ဘဲ… အာကာသထဲက ပျက်ကျလာတဲ့ ဥက္ကာပျံတစ်လုံးနဲ့အတူ ပါလာတဲ့ ဆဲလ်တစ်ခုတည်းရှိ ဂြိုဟ်ပြင်ပ သတ္တဝါအသေးလေးတွေဟာ နာရီပိုင်းအတွင်း အမဲလိုက် သတ္တဝါဆိုးကြီးတွေအဖြစ် မြန်ဆန်စွာ ဆင့်ကဲပြောင်းလဲ (Evolution) လာမှုနောက်ကွယ်က သေမင်းတမန် သတ်ကွင်းကို ဉာဏ်ကစား ဖြိုခွဲရမယ့် အမိုက်စား Sci-Fi Comedy ရုပ်ရှင်ကောင်းတစ်ကား ဖြစ်ပါတယ်။ ဇာတ်လမ်းကတော့ အရိဇိုးနား သဲကန္တာရထဲဆီ ဥက္ကာပျံတစ်လုံး ပျက်ကျသွားရာကနေ စတင်ထားပါတယ်။ ကောလိပ် သိပ္ပံပါမောက္ခ အီရာ – Ira (David Duchovny) နဲ့ သူ့ရဲ့ လုပ်ဖော်ကိုင်ဖက် ဟယ်ရီ – Harry (Orlando Jones) တို့ဟာ သုတေသန လုပ်ဖို့ သွားရောက်စစ်ဆေးစဉ်မှာ အဆိုပါ ဂြိုဟ်သား […]

Cornell Woolrich ရဲ့ “Waltz into Darkness” ဝတ္ထုကို အခြေခံထားပြီး… သာမန် အချစ်ဒရာမာ ကားမျိုး မဟုတ်ဘဲ အမျိုးသမီးတစ်ဦးရဲ့ ဆွဲဆောင်မှု မျက်နှာဖုံးနောက်ကွယ်က ဧရာမ ပူးပေါင်းကြံစည်မှုများ၊ စိတ္တဇဆန်ဆန် စွဲလန်းမှုတွေနဲ့အတူ ရန်သူနဲ့ ချစ်သူကြား ဉာဏ်ချင်းပြိုင် အကွက်စိပ်စိပ် ရုန်းကန်ရပုံကို visual effects အမိုက်စားတွေနဲ့ ပုံဖော်ထားတဲ့ ရုပ်ရှင်ကောင်းတစ်ကား ဖြစ်ပါတယ်။ ဇာတ်လမ်းကတော့ ၁၉ ရာစုနှောင်းပိုင်း ကူးဗားကျွန်းမှာ နေထိုင်တဲ့ ကြွယ်ဝချမ်းသာလှတဲ့ ကော်ဖီသူဌေးကြီး လူဝစ် – Luis (Antonio Banderas) အကြောင်းကနေ စတင်ထားပါတယ်။ သူဟာ အေးချမ်းတဲ့ အိမ်ထောင်ရှင်ဘဝကို ပိုင်ဆိုင်ဖို့အတွက် အမေရိကန်မလေး ဘွန်နီ နဲ့ စာအဆက်အသွယ်ပြုလုပ်ပြီး လက်ထပ်ဖို့ ပြင်ဆင်ခဲ့ပါတယ်။ ဒါပေမဲ့ […]

ဇာတ်လမ်းဆန်းကြီး မဟုတ်ဘဲ She’s All That, 10 Things I Hate About You, American Pie နဲ့ Bring It On တို့လို နာမည်ကြီး ဆယ်ကျော်သက် ရုပ်ရှင်တွေကို တစ်ကားတည်းပေါင်းပြီး အူလှိုင်းရိုက်အောင် တစ်ခန်းချင်းစီ visual အလွဲတွေနဲ့ ပုံဖော်လှောင်ပြောင်ထားတဲ့ ဟာသရုပ်ရှင်ကောင်းတစ်ကား ဖြစ်ပါတယ်။ ဇာတ်လမ်းကတော့ ဂျွန် ဟျူးစ် အထက်တန်းကျောင်းက နာမည်ကြီး ဘောလုံးသမား ဂျိခ် (Chris Evans) အကြောင်းကနေ စတင်ထားပါတယ်။ သူဟာ သူ့ရဲ့ ပြိုင်ဘက်သူငယ်ချင်းနဲ့ မထင်မှတ်ဘဲ အလောင်းအစားတစ်ခု ဉာဏ်ကစားပြီး လုပ်မိပါတော့တယ်။ အဲ့ဒါကတော့ ကျောင်းမှာ အော့အော်လန်အောင် အဆိုးဆုံးလို့ အားလုံးက သတ်မှတ်ထားတဲ့၊ မျက်မှန်ကြီးတပ်ပြီး ပန်းချီဆွဲရတာ […]

ရှေးဟောင်းအီဂျစ်ဒဏ္ဍာရီလာ နတ်ဘုရားတွေရဲ့ အာဏာလုပွဲနဲ့ စွန့်စားခန်းတွေကို ကြီးကျယ်ခမ်းနားတဲ့ Visual Effects တွေနဲ့ ပုံဖော်ထားတဲ့ အက်ရှင် Fantasy ကားကြီးပါ။ ရက်စက်တဲ့ အမှောင်ထုနတ်ဘုရား Set က ထီးနန်းကို အဓမ္မသိမ်းပိုက်လိုက်တဲ့အခါမှာတော့ နုပျိုတဲ့ နတ်ဘုရား Horus ဟာ လူသားသူခိုးလေးတစ်ယောက်နဲ့ ပူးပေါင်းပြီး တိုင်းပြည်ကို ပြန်လည်ကယ်တင်ဖို့ ကြိုးစားရပုံကို ရိုက်ကူးထားတာဖြစ်ပါတယ်။ ရွှေရောင်တောက်ပတဲ့ နတ်ဘုရားတွေရဲ့ တိုက်ပွဲတွေ၊ ထူးဆန်းတဲ့ သတ္တဝါကြီးတွေနဲ့ ရင်သပ်ရှုမောဖွယ် နန်းတော်ကြီးတွေကို အားရစရာ မြင်တွေ့ရမှာပါ။ ဒဏ္ဍာရီဆန်ဆန် အက်ရှင်ကားတွေကိုမှ တစ်ကားလုံး ရွှေရောင်တဝင်းဝင်းနဲ့ အမိုက်စား CGI တွေ ကြည့်ချင်သူတွေအတွက်တော့ အပြတ်အသတ် သဘောကျစေမယ့် ရုပ်ရှင်ကောင်းတစ်ကားပဲ ဖြစ်ပါတယ်။

Rick နဲ့ Fred ဆိုတဲ့ သူငယ်ချင်းနှစ်ယောက်ဟာ အိမ်ထောင်ကျတာ ကြာလာတာနဲ့အမျှ အပြင်က မိန်းမလှလေးတွေကို ငေးမောကြည့်ရှုရင်း အိမ်ထောင်ရေးမှာ စိတ်မပါသလို ဖြစ်လာကြပါတယ်။ ဒါကို သတိထားမိတဲ့ သူတို့ရဲ့ ဇနီးသည်တွေက ထူးထူးခြားခြား အစီအစဉ်တစ်ခု ချပေးလိုက်ပါတယ်။ အဲ့ဒါကတော့ တစ်ပတ်တိတိ သူတို့ဘာလုပ်လုပ် ခွင့်လွှတ်ပေးမယ့် ‘Hall Pass’ (လွတ်လပ်ခွင့်လက်မှတ်) ပဲ ဖြစ်ပါတယ်။ သူတို့နှစ်ယောက်ကတော့ လူပျိုဘဝတုန်းကလို ပျော်ရပါးရတော့မယ်ဆိုပြီး အရမ်းကို တက်ကြွနေကြတာပါ။ ဒါပေမဲ့ တကယ်တမ်း လက်တွေ့မှာတော့ သူတို့ထင်သလို ဖြစ်မလာဘဲ အသက်အရွယ်အရ ပြောင်းလဲသွားတဲ့ ခေတ်ရေစီးကြောင်းတွေကြားမှာ ဘယ်လိုတွေ အလွဲအချော်တွေနဲ့ပဲ ရင်ဆိုင်ပြီး ရှယ်ခွီးရမလဲဆိုတာ..

ဖြောင့်မတ်ပြီး ဒေါသကြီးတဲ့ အစိုးရရှေ့နေ ဗြောင်ဂျေဝတ် (Byun Jae-wook) ဟာ သူတရားစွဲဆိုနေတဲ့ သံသယရှိသူတစ်ယောက် အသတ်ခံရမှုမှာ လူသတ်သမားအဖြစ် အကွက်ချစွပ်စွဲခံလိုက်ရပါတယ်။ တရားဥပဒေကို ကိုင်တွယ်ခဲ့သူကိုယ်တိုင် ထောင်ဒဏ် ၁၅ နှစ် ကျခံခဲ့ရပြီး အကျဉ်းထောင်ထဲ ရောက်သွားတဲ့အခါမှာတော့ အပြင်ထွက်လို့မရတဲ့ ရှေ့နေကြီးဟာ ထောင်ထဲကနေ ကြိုးကိုင်ပြီး အပြင်ကလူလိမ်လေးကို သူ့ရဲ့ “ရုပ်သေးရုပ်” အဖြစ် အသုံးချပြီး အမှန်တရားကို ဘယ်လိုဖော်ထုတ်မလဲဆိုတာ ရင်တထိတ်ထိတ် ကြည့်ရမှာပါ