Movies

သာမန် ရုံးဝန်ထမ်းကား သို့မဟုတ် ရာဇဝတ်မှုကားမျိုး မဟုတ်ဘဲ… အပြင်ပန်းမှာ သာမန် လျှပ်စစ်ပစ္စည်း ထုတ်လုပ်တဲ့ ကုမ္ပဏီတစ်ခုလို အသွင်ယူထားပြီး အမှန်တကယ်မှာတော့ ကြေးစားလူသတ်အဖွဲ့အစည်းကြီး ဖြစ်နေတဲ့ ကုမ္ပဏီတစ်ခုမှာ ထိပ်တန်း အကွက်စိပ်စိပ် သန့်ရှင်းရေးသမားအဖြစ် အလုပ်လုပ်နေသူရဲ့ သွေးအေးလှတဲ့ တန်ပြန်ပွဲကြမ်း ဇာတ်ကြောင်းကို ရင်တမတမ ပုံဖော်ထားတဲ့ ရုပ်ရှင်ကောင်းတစ်ကား ဖြစ်ပါတယ်။ ဇာတ်လမ်းကတော့ ကုမ္ပဏီမှာ ၁၀ နှစ်ကျော်တိုင်အောင် အမိန့်အတိုင်း သွေးအေးအေးနဲ့ လူသတ်ပေးခဲ့ပြီး ရာထူးတိုးဖို့ ပြင်ဆင်နေတဲ့ ထိပ်တန်း အေးဂျင့် ဂျီဟျောင်းဒို – Ji Hyeong-do (So Ji-sub) အကြောင်းကနေ စတင်ထားပါတယ်။ သူဟာ ခိုင်းသမျှ အလုပ်မှန်သမျှကို ဉာဏ်ကစားပြီး အမှားအယွင်းမရှိ စုတ်ပြတ်အောင် ဆောင်ရွက်ပေးခဲ့သူ ဖြစ်ပေမယ့်… မထင်မှတ်ဘဲ အလုပ်သင် […]

သာမန် စုံထောက် အက်ရှင်ကားမျိုး မဟုတ်ဘဲ… မျိုးရိုးဗီဇ ပြုပြင်ထားလို့ ပုံမှန်လူတွေထက် ခွန်အား၊ အရှိန်နဲ့ အသိဉာဏ် ပိုမိုထက်မြက်တဲ့ သွေးအေးကြေးစား လူသတ်သမား “Agent 47” ရဲ့ အကွက်စိပ်စိပ် ဉာဏ်ကစားပြီး ရန်သူတွေကို ရှင်းလင်းသည့် ဇာတ်လမ်းကောင်းတစ်ကား ဖြစ်ပါတယ်။ ဇာတ်လမ်းကတော့ အတိတ်က လျှို့ဝှက်စစ်ဆင်ရေးတစ်ခုအရ မျိုးရိုးဗီဇ ပြုပြင်ဖန်တီးထားသည့် “Agent Program” ရဲ့ အောင်မြင်ဆုံး ထုတ်ကုန်တစ်ခုဖြစ်သူ Agent 47 (Rupert Friend) အကြောင်းကနေ စတင်ထားပါတယ်။ သူဟာ ဒီပရိုဂရမ်ကို စတင်ဖန်တီးခဲ့သည့် သိပ္ပံပညာရှင်ကြီး၏ သမီးဖြစ်သူ ကာတီယာ (Hannah Ware) ကို လိုက်လံရှာဖွေရာကနေ… ဧရာမ ကော်ပိုရိတ် ဒုစရိုက်အဖွဲ့အစည်းကြီး Syndicate International နှင့် ထိပ်တိုက်ဆုံခဲ့ပါတော့တယ်။ […]

“၁၉၃၀ ပြည့်နှစ်တွေရဲ့ သွေးအေးစစ်မြေပြင်ထက်မှာ… ကိုယ့်နိုင်ငံအတွက် အသက်ကိုပဓာနမထားဘဲ ခေါင်းဆောင်ကြီးတွေကို လုပ်ကြံဖို့ ထွက်ခွာလာကြတဲ့ လူသတ်သမားတစ်စု…”။ The Thieves ရဲ့ ဒါရိုက်တာ Choi Dong-hoon ရိုက်ကူးထားပြီး တောင်ကိုရီးယားရုပ်ရှင်သမိုင်းမှာ လက်မှတ်ပေါင်း ၁၂ သန်းကျော်ရောင်းချရတဲ့အထိ စံချိန်တင်အောင်မြင်ခဲ့တဲ့ သမိုင်းနောက်ခံ အက်ရှင်ထိပ်တန်းလက်ရာမွန်ကြီး ဖြစ်ပါတယ်။ ဇာတ်လမ်းကတော့ ၁၉၃၀ ပြည့်နှစ် ဂျပန်ကိုလိုနီအုပ်ချုပ်မှုအောက် ရောက်နေချိန်မှာ ကိုရီးယားတော်လှန်ရေးအဖွဲ့ဟာ ဂျပန်စစ်ဗိုလ်ချုပ်ကြီးနဲ့ သစ္စာဖောက်စီးပွားရေးသမားကြီးတို့ကို လုပ်ကြံဖို့အတွက် ထောင်ကျနေတဲ့ ထိပ်တန်းလက်ဖြောင့်စနိုက်ပါသမားမလေး အန်အိုကေ (Jun Ji-hyun) ခေါင်းဆောင်တဲ့ လုပ်ကြံရေးအဖွဲ့ငယ်လေးကို လျှို့ဝှက်ဖွဲ့စည်းလိုက်ပါတယ်။ ဒါပေမဲ့ သူတို့ရဲ့ စီမံကိန်းကို ရန်သူ့ထံ ပေါက်ကြားအောင်လုပ်မယ့် သစ္စာဖောက်တစ်ဦး အဖွဲ့ထဲမှာ ပါဝင်နေသလို၊ သူတို့ကို နောက်ကွယ်ကနေ လိုက်လံသတ်ဖြတ်ဖို့ ငှားရမ်းခြင်းခံထားရတဲ့ ကြေးစားလူသတ်သမား ဟာဝိုင်ယီပစ္စတို […]

သာမန်အေးတိအေးစက် နေတတ်တဲ့ Mike ဟာ တကယ်တော့ CIA က လျှို့ဝှက်လေ့ကျင့်ပေးထားတဲ့ လူသတ်လက်နက် (Sleeper Agent) တစ်ယောက်ဆိုတာ သူကိုယ်တိုင်တောင် မသိခဲ့ပါဘူး။ CIA က သူ့ကို အမြစ်ဖြတ်ဖို့ ကြိုးစားလာတဲ့အခါမှာတော့ Mike ရဲ့ ပုန်းကွယ်နေတဲ့ စွမ်းရည်တွေ နိုးထလာပြီး မီးဖိုချောင်သုံးပစ္စည်းတွေနဲ့တင် ရန်သူတွေကို အကြမ်းဆုံး တုံ့ပြန်ပုံက တကယ့်ကို အလန်းစားပါ။ Jesse Eisenberg နဲ့ Kristen Stewart တို့ရဲ့ အတွဲညီညီ သရုပ်ဆောင်ချက်တွေနဲ့အတူ အက်ရှင်၊ ဟာသနဲ့ အချစ်ကို ခပ်ကြမ်းကြမ်း ခပ်မြူးမြူး ပေါင်းစပ်ထားတဲ့အတွက် ပေါ့ပေါ့ပါးပါးနဲ့ အမိုက်စားကြည့်ရမယ့် ဇာတ်ကားကောင်းပဲ ဖြစ်ပါတယ်။

ရှေးဟောင်းအီဂျစ်ဒဏ္ဍာရီလာ နတ်ဘုရားတွေရဲ့ အာဏာလုပွဲနဲ့ စွန့်စားခန်းတွေကို ကြီးကျယ်ခမ်းနားတဲ့ Visual Effects တွေနဲ့ ပုံဖော်ထားတဲ့ အက်ရှင် Fantasy ကားကြီးပါ။ ရက်စက်တဲ့ အမှောင်ထုနတ်ဘုရား Set က ထီးနန်းကို အဓမ္မသိမ်းပိုက်လိုက်တဲ့အခါမှာတော့ နုပျိုတဲ့ နတ်ဘုရား Horus ဟာ လူသားသူခိုးလေးတစ်ယောက်နဲ့ ပူးပေါင်းပြီး တိုင်းပြည်ကို ပြန်လည်ကယ်တင်ဖို့ ကြိုးစားရပုံကို ရိုက်ကူးထားတာဖြစ်ပါတယ်။ ရွှေရောင်တောက်ပတဲ့ နတ်ဘုရားတွေရဲ့ တိုက်ပွဲတွေ၊ ထူးဆန်းတဲ့ သတ္တဝါကြီးတွေနဲ့ ရင်သပ်ရှုမောဖွယ် နန်းတော်ကြီးတွေကို အားရစရာ မြင်တွေ့ရမှာပါ။ ဒဏ္ဍာရီဆန်ဆန် အက်ရှင်ကားတွေကိုမှ တစ်ကားလုံး ရွှေရောင်တဝင်းဝင်းနဲ့ အမိုက်စား CGI တွေ ကြည့်ချင်သူတွေအတွက်တော့ အပြတ်အသတ် သဘောကျစေမယ့် ရုပ်ရှင်ကောင်းတစ်ကားပဲ ဖြစ်ပါတယ်။

အက်ရှင်ရုပ်ရှင်လောကရဲ့ စံနှုန်းသစ်တစ်ခုကို သတ်မှတ်ပေးခဲ့တဲ့ အင်ဒိုနီးရှား ရုပ်ရှင်ကားကြီးဖြစ်ပြီး အစကနေ အဆုံးထိ သွေးပူစရာ အက်ရှင်ခန်းတွေနဲ့ ပြည့်နှက်နေပါတယ်။ ရာဇဝတ်ကောင်တွေ အပြည့်ရှိတဲ့ အထပ်မြင့်အဆောက်အဦးကြီးတစ်ခုထဲကို ရဲတပ်ဖွဲ့ဝင်တစ်စုက ဝင်ရောက်စီးနင်းရာကနေ မမျှော်လင့်ဘဲ ပိတ်မိသွားပြီး တစ်ထပ်ချင်းစီမှာ ရှိနေတဲ့ လူမိုက်တွေနဲ့ အသက်လုတိုက်ပွဲဝင်ရပုံကို ရိုက်ကူးထားတာပါ။ အင်ဒိုနီးရှားရိုးရာ ကိုယ်ခံပညာ (Pencak Silat) ကို အခြေခံထားတဲ့ တိုက်ခိုက်ရေးကွက်တွေက အရိုးကွဲသံ ကြားရလောက်အောင် လက်တွေ့ဆန်ပြီး ကြမ်းတမ်းလှတာကြောင့် ကြည့်ရှုသူကို ရင်တုန်ပန်းတုန် ဖြစ်စေမှာပါ။ မင်းသား Iko Uwais ရဲ့ လျင်မြန်ဖြတ်လတ်လှတဲ့ လှုပ်ရှားမှုတွေနဲ့အတူ အကွက်စိပ်စိပ် ရိုက်ချက်တွေက သင့်ကို ထိုင်ခုံကနေ မထနိုင်အောင် ဖမ်းစားထားမှာ ဖြစ်ပါတယ်။ စစ်မှန်တဲ့ အက်ရှင်ကားအစစ်အမှန်ကိုမှ ခံစားချင်သူတွေအတွက်တော့ ဒီဇာတ်ကားဟာ ဂန္တဝင်စာရင်းဝင် လက်မလွှတ်သင့်တဲ့ […]

မြို့ပြကြီးတစ်ခုလုံး မြေပြင်နဲ့ တစ်သားတည်းဖြစ်သွားစေမယ့် အဆိုးဝါးဆုံး ငလျင်ဘေးဒုက္ခကြားမှာ မိသားစုကို ပြန်လည်စုစည်းဖို့ ကြိုးစားတဲ့ ရဟတ်ယာဉ်မှူးတစ်ယောက်ရဲ့ စွန့်စားခန်းကို San Andreas (2015) မှာ အားရပါးရ ရှုစားရမှာပါ။ ခေတ်မီနည်းပညာတွေနဲ့ ဖန်တီးထားတဲ့ ရင်သပ်ရှုမောဖွယ် မြို့ပျက်ကြီးတွေ၊ ဆူနာမီလှိုင်းလုံးကြီးတွေနဲ့ အဆောက်အဦးတွေ ပြိုကျပျက်စီးနေတဲ့ မြင်ကွင်းတွေက ကြည့်ရှုသူကို ရုပ်ရှင်ထဲ ရောက်သွားသလိုမျိုး ထိတ်လန့်တုန်လှုပ်စေမှာပါ။ အပန်းဖြေရင်း ရင်ခုန်စိတ်လှုပ်ရှားစရာ အက်ရှင်ကားကောင်းကောင်း ကြည့်ချင်သူတွေအတွက်တော့ ဒီဇာတ်ကားဟာ အစကနေ အဆုံးထိ မျက်တောင်မခတ်ရအောင် ဆွဲဆောင်ထားနိုင်မယ့် ကားကောင်းတစ်ကားဖြစ်ပါတယ်။

Rick နဲ့ Fred ဆိုတဲ့ သူငယ်ချင်းနှစ်ယောက်ဟာ အိမ်ထောင်ကျတာ ကြာလာတာနဲ့အမျှ အပြင်က မိန်းမလှလေးတွေကို ငေးမောကြည့်ရှုရင်း အိမ်ထောင်ရေးမှာ စိတ်မပါသလို ဖြစ်လာကြပါတယ်။ ဒါကို သတိထားမိတဲ့ သူတို့ရဲ့ ဇနီးသည်တွေက ထူးထူးခြားခြား အစီအစဉ်တစ်ခု ချပေးလိုက်ပါတယ်။ အဲ့ဒါကတော့ တစ်ပတ်တိတိ သူတို့ဘာလုပ်လုပ် ခွင့်လွှတ်ပေးမယ့် ‘Hall Pass’ (လွတ်လပ်ခွင့်လက်မှတ်) ပဲ ဖြစ်ပါတယ်။ သူတို့နှစ်ယောက်ကတော့ လူပျိုဘဝတုန်းကလို ပျော်ရပါးရတော့မယ်ဆိုပြီး အရမ်းကို တက်ကြွနေကြတာပါ။ ဒါပေမဲ့ တကယ်တမ်း လက်တွေ့မှာတော့ သူတို့ထင်သလို ဖြစ်မလာဘဲ အသက်အရွယ်အရ ပြောင်းလဲသွားတဲ့ ခေတ်ရေစီးကြောင်းတွေကြားမှာ ဘယ်လိုတွေ အလွဲအချော်တွေနဲ့ပဲ ရင်ဆိုင်ပြီး ရှယ်ခွီးရမလဲဆိုတာ..

နွေရာသီ အပူဒဏ်ကို ရေကူးကန်မှာ အပန်းဖြေဖို့ ကြံစည်နေသလား? ဒီကားကို ကြည့်ပြီးရင်တော့ သင် ရေချိုးဖို့တောင် စဉ်းစားရပါလိမ့်မယ်! Piranha 3DD ကတော့ ပထမကားထက် ပိုကြမ်း၊ ပိုဟော့ပြီး ပိုသွေးပျက်ဖို့ ကောင်းလာပါတယ် ဒီတစ်ခေါက်မှာတော့ ရှေးဟောင်းပီရန်ညာငါးတွေက ပင်လယ်ထဲမှာတင် မဟုတ်တော့ဘဲ လူအများအပြား အပန်းဖြေနေတဲ့ “The Big Wet” ဆိုတဲ့ ရေပန်းဥယျာဉ် (Water Park) ထဲကို ပိုက်လိုင်းတွေကတစ်ဆင့် လူတွေ ပျော်ပါးနေတုန်း ရောက်ရှိလာတဲ့ အခါမှာတော့ … 18+ အခန်းတွေနဲ့ Horror နဲ့ Comedy ကို ရောသမမွှေထားလို့ တစ်ကိုယ်ရည် အပန်းဖြေရင်း ကြည့်ဖို့ဖြစ်ဖြစ်၊ သူငယ်ချင်းတွေနဲ့ စုကြည့်ပြီး အော်ရယ်ဖို့ဖြစ်ဖြစ် အကောင်းဆုံးကားတစ်ကားဆိုမို့ ရှုစားသွားကြပါအုန်း

ဖြောင့်မတ်ပြီး ဒေါသကြီးတဲ့ အစိုးရရှေ့နေ ဗြောင်ဂျေဝတ် (Byun Jae-wook) ဟာ သူတရားစွဲဆိုနေတဲ့ သံသယရှိသူတစ်ယောက် အသတ်ခံရမှုမှာ လူသတ်သမားအဖြစ် အကွက်ချစွပ်စွဲခံလိုက်ရပါတယ်။ တရားဥပဒေကို ကိုင်တွယ်ခဲ့သူကိုယ်တိုင် ထောင်ဒဏ် ၁၅ နှစ် ကျခံခဲ့ရပြီး အကျဉ်းထောင်ထဲ ရောက်သွားတဲ့အခါမှာတော့ အပြင်ထွက်လို့မရတဲ့ ရှေ့နေကြီးဟာ ထောင်ထဲကနေ ကြိုးကိုင်ပြီး အပြင်ကလူလိမ်လေးကို သူ့ရဲ့ “ရုပ်သေးရုပ်” အဖြစ် အသုံးချပြီး အမှန်တရားကို ဘယ်လိုဖော်ထုတ်မလဲဆိုတာ ရင်တထိတ်ထိတ် ကြည့်ရမှာပါ