Movies

စက္ကန့်မလပ် ရယ်မောရမယ့် အလွဲတွေနဲ့ ရာဇဝတ်လောကရဲ့ ရင်ဖိုစရာ Crime Comedy ကား ဒါရိုက်တာ Guy Ritchie ရဲ့ လက်ရာဖြစ်ပြီး Jason Statham နဲ့ Brad Pitt တို့ အဓိကပါဝင်ထားတဲ့ Snatch (2000) ကတော့ ရာဇဝတ်ဂိုဏ်းတွေ၊ တရားမဝင် လက်ဝှေ့ပွဲတွေနဲ့ စိန်တစ်လုံးကြောင့် ဖြစ်လာတဲ့ အလွဲအမှားတွေကို အစအဆုံး ရယ်မောရမယ့် ကားကောင်းတစ်ကားပါပဲ။ ဇာတ်လမ်းစတာကတော့ တရားမဝင် လက်ဝှေ့ပွဲ ပွဲစားတစ်ယောက်ဖြစ်တဲ့ တာကစ်ရှ် (Jason Statham) တစ်ယောက် ရက်စက်တဲ့ လူဆိုးဂိုဏ်းခေါင်းဆောင် Brick Top ရဲ့ ဖိအားပေးမှုကြားမှာ ထူးဆန်းပြီး လက်သီးချက်ပြင်းတဲ့ ဂျစ်ပစီ လက်ဝှေ့သမား မစ်ကီ (Brad Pitt) နဲ့ ပူးပေါင်းပြီး […]

သာမန် ဂြိုဟ်သား ကျူးကျော်ရေး ကားမျိုး မဟုတ်ဘဲ… အာကာသထဲက ပျက်ကျလာတဲ့ ဥက္ကာပျံတစ်လုံးနဲ့အတူ ပါလာတဲ့ ဆဲလ်တစ်ခုတည်းရှိ ဂြိုဟ်ပြင်ပ သတ္တဝါအသေးလေးတွေဟာ နာရီပိုင်းအတွင်း အမဲလိုက် သတ္တဝါဆိုးကြီးတွေအဖြစ် မြန်ဆန်စွာ ဆင့်ကဲပြောင်းလဲ (Evolution) လာမှုနောက်ကွယ်က သေမင်းတမန် သတ်ကွင်းကို ဉာဏ်ကစား ဖြိုခွဲရမယ့် အမိုက်စား Sci-Fi Comedy ရုပ်ရှင်ကောင်းတစ်ကား ဖြစ်ပါတယ်။ ဇာတ်လမ်းကတော့ အရိဇိုးနား သဲကန္တာရထဲဆီ ဥက္ကာပျံတစ်လုံး ပျက်ကျသွားရာကနေ စတင်ထားပါတယ်။ ကောလိပ် သိပ္ပံပါမောက္ခ အီရာ – Ira (David Duchovny) နဲ့ သူ့ရဲ့ လုပ်ဖော်ကိုင်ဖက် ဟယ်ရီ – Harry (Orlando Jones) တို့ဟာ သုတေသန လုပ်ဖို့ သွားရောက်စစ်ဆေးစဉ်မှာ အဆိုပါ ဂြိုဟ်သား […]

Cornell Woolrich ရဲ့ “Waltz into Darkness” ဝတ္ထုကို အခြေခံထားပြီး… သာမန် အချစ်ဒရာမာ ကားမျိုး မဟုတ်ဘဲ အမျိုးသမီးတစ်ဦးရဲ့ ဆွဲဆောင်မှု မျက်နှာဖုံးနောက်ကွယ်က ဧရာမ ပူးပေါင်းကြံစည်မှုများ၊ စိတ္တဇဆန်ဆန် စွဲလန်းမှုတွေနဲ့အတူ ရန်သူနဲ့ ချစ်သူကြား ဉာဏ်ချင်းပြိုင် အကွက်စိပ်စိပ် ရုန်းကန်ရပုံကို visual effects အမိုက်စားတွေနဲ့ ပုံဖော်ထားတဲ့ ရုပ်ရှင်ကောင်းတစ်ကား ဖြစ်ပါတယ်။ ဇာတ်လမ်းကတော့ ၁၉ ရာစုနှောင်းပိုင်း ကူးဗားကျွန်းမှာ နေထိုင်တဲ့ ကြွယ်ဝချမ်းသာလှတဲ့ ကော်ဖီသူဌေးကြီး လူဝစ် – Luis (Antonio Banderas) အကြောင်းကနေ စတင်ထားပါတယ်။ သူဟာ အေးချမ်းတဲ့ အိမ်ထောင်ရှင်ဘဝကို ပိုင်ဆိုင်ဖို့အတွက် အမေရိကန်မလေး ဘွန်နီ နဲ့ စာအဆက်အသွယ်ပြုလုပ်ပြီး လက်ထပ်ဖို့ ပြင်ဆင်ခဲ့ပါတယ်။ ဒါပေမဲ့ […]

ဇာတ်လမ်းဆန်းကြီး မဟုတ်ဘဲ She’s All That, 10 Things I Hate About You, American Pie နဲ့ Bring It On တို့လို နာမည်ကြီး ဆယ်ကျော်သက် ရုပ်ရှင်တွေကို တစ်ကားတည်းပေါင်းပြီး အူလှိုင်းရိုက်အောင် တစ်ခန်းချင်းစီ visual အလွဲတွေနဲ့ ပုံဖော်လှောင်ပြောင်ထားတဲ့ ဟာသရုပ်ရှင်ကောင်းတစ်ကား ဖြစ်ပါတယ်။ ဇာတ်လမ်းကတော့ ဂျွန် ဟျူးစ် အထက်တန်းကျောင်းက နာမည်ကြီး ဘောလုံးသမား ဂျိခ် (Chris Evans) အကြောင်းကနေ စတင်ထားပါတယ်။ သူဟာ သူ့ရဲ့ ပြိုင်ဘက်သူငယ်ချင်းနဲ့ မထင်မှတ်ဘဲ အလောင်းအစားတစ်ခု ဉာဏ်ကစားပြီး လုပ်မိပါတော့တယ်။ အဲ့ဒါကတော့ ကျောင်းမှာ အော့အော်လန်အောင် အဆိုးဆုံးလို့ အားလုံးက သတ်မှတ်ထားတဲ့၊ မျက်မှန်ကြီးတပ်ပြီး ပန်းချီဆွဲရတာ […]

“သင် မကျူးလွန်ရသေးတဲ့ ရာဇဝတ်မှုတစ်ခုအတွက် သင့်ကို ဖမ်းဆီးမယ်ဆိုရင်…” 🧠💥 နည်းပညာတွေ အဆမတန် တိုးတက်လာပြီး လူသတ်မှုတစ်ခု မဖြစ်ပွားခင် နာရီပိုင်းအလိုမှာတင် ကြိုတင်သိရှိတားဆီးနိုင်တဲ့ အနာဂတ်လောကကြီး။ ဒါပေမဲ့ တစ်နေ့မှာတော့ ဒီစနစ်ကြီးကို ဦးဆောင်နေတဲ့ အကြီးအကဲ ဂျွန်အန်ဒါတန် (Tom Cruise) ကိုယ်တိုင်က နောက်ထပ် ၃၆ နာရီအတွင်း လူသတ်မယ့်သူအဖြစ် စနစ်ကြီးရဲ့ သတ်မှတ်ခြင်းကို ခံလိုက်ရတဲ့အခါမှာတော့… မိမိကိုယ်ကို အပြစ်မရှိကြောင်း သက်သေပြဖို့ စနစ်ကြီးကို ပြန်လည်အာခံပြီး ထွက်ပြေးရင်း အနာဂတ်ရဲ့ လျှို့ဝှက်ချက်တွေကို ဖော်ထုတ်ရမယ့် Sci-Fi Psychological Thriller ကားကောင်းကြီး ဖြစ်ပါတယ်။

ရှေးဟောင်းအီဂျစ်ဒဏ္ဍာရီလာ နတ်ဘုရားတွေရဲ့ အာဏာလုပွဲနဲ့ စွန့်စားခန်းတွေကို ကြီးကျယ်ခမ်းနားတဲ့ Visual Effects တွေနဲ့ ပုံဖော်ထားတဲ့ အက်ရှင် Fantasy ကားကြီးပါ။ ရက်စက်တဲ့ အမှောင်ထုနတ်ဘုရား Set က ထီးနန်းကို အဓမ္မသိမ်းပိုက်လိုက်တဲ့အခါမှာတော့ နုပျိုတဲ့ နတ်ဘုရား Horus ဟာ လူသားသူခိုးလေးတစ်ယောက်နဲ့ ပူးပေါင်းပြီး တိုင်းပြည်ကို ပြန်လည်ကယ်တင်ဖို့ ကြိုးစားရပုံကို ရိုက်ကူးထားတာဖြစ်ပါတယ်။ ရွှေရောင်တောက်ပတဲ့ နတ်ဘုရားတွေရဲ့ တိုက်ပွဲတွေ၊ ထူးဆန်းတဲ့ သတ္တဝါကြီးတွေနဲ့ ရင်သပ်ရှုမောဖွယ် နန်းတော်ကြီးတွေကို အားရစရာ မြင်တွေ့ရမှာပါ။ ဒဏ္ဍာရီဆန်ဆန် အက်ရှင်ကားတွေကိုမှ တစ်ကားလုံး ရွှေရောင်တဝင်းဝင်းနဲ့ အမိုက်စား CGI တွေ ကြည့်ချင်သူတွေအတွက်တော့ အပြတ်အသတ် သဘောကျစေမယ့် ရုပ်ရှင်ကောင်းတစ်ကားပဲ ဖြစ်ပါတယ်။

ဖြောင့်မတ်ပြီး ဒေါသကြီးတဲ့ အစိုးရရှေ့နေ ဗြောင်ဂျေဝတ် (Byun Jae-wook) ဟာ သူတရားစွဲဆိုနေတဲ့ သံသယရှိသူတစ်ယောက် အသတ်ခံရမှုမှာ လူသတ်သမားအဖြစ် အကွက်ချစွပ်စွဲခံလိုက်ရပါတယ်။ တရားဥပဒေကို ကိုင်တွယ်ခဲ့သူကိုယ်တိုင် ထောင်ဒဏ် ၁၅ နှစ် ကျခံခဲ့ရပြီး အကျဉ်းထောင်ထဲ ရောက်သွားတဲ့အခါမှာတော့ အပြင်ထွက်လို့မရတဲ့ ရှေ့နေကြီးဟာ ထောင်ထဲကနေ ကြိုးကိုင်ပြီး အပြင်ကလူလိမ်လေးကို သူ့ရဲ့ “ရုပ်သေးရုပ်” အဖြစ် အသုံးချပြီး အမှန်တရားကို ဘယ်လိုဖော်ထုတ်မလဲဆိုတာ ရင်တထိတ်ထိတ် ကြည့်ရမှာပါ

စကော့ (Scott) တစ်ယောက်အသဲကွဲပြီး မူးမူးနဲ့ ဂျာမနီက သူ့ရဲ့ Cyber-buddy (အွန်လိုင်းသူငယ်ချင်း) “Mieke” ကို ယောက်ျားလေးလို့ ထင်ပြီး သူ့ကိုလာတွေ့မယ်ပြောတာကို ယောကျ်ားချင်း အဲ့လိုပြောရမလားဆိုပြီး ရိုင်းရိုင်းစိုင်းစိုင်းတွေ ပြောလိုက်မိလို့ ဟိုဘက်က Block တာခံလိုက်ရပါတော့တယ် တကယ်တန်း “Mieke” ဆိုတာ သူထင်သလို ယောက်ျားလေးမဟုတ်ဘဲ အင်မတန် ချောမောလှပတဲ့ ဂျာမန်မလေးတစ်ယောက် ဖြစ်နေတဲ့အခါမှာတော့ သူ့ရဲ့ အမှားကို ပြင်ဆင်ဖို့နဲ့ အချစ်ကို ရှာဖွေဖို့အတွက် စကော့ဟာ သူ့ရဲ့ သူငယ်ချင်းတစ်သိုက်နဲ့အတူ အမေရိကကနေ ဥရောပအထိ “အလည်အပတ် ခရီးစဉ်ကြီး” ကို အားချင်း စတင်လိုက်ပါတော့တယ်။ အချစ်ကိုရှာဖွေဖို့ ဥရောပကိုခြေဆန့်ရင်း ဘယ်လိုတွေ အလွဲလွဲချော်ချော်တွေ ကြုံတွေ့ရမလဲဆိုတာ ရှယ်ခွီးရင်း ကြည့်ရမယ့် လူငယ်ဟာသကားလေးဖြစ်ပါတယ်

FBI အေးဂျင့် မယ်လ်ကွန် (Malcolm) ဆိုတာ ရုပ်ဖျက်ရမှာ ဆရာတစ်ဆူပါ။ တစ်နေ့မှာတော့ ထောင်ပြေးတစ်ယောက်ရဲ့ ရည်းစားဟောင်းနဲ့ ကလေးကို ‌‌‌‌စောင့်ကြည့်ဖို့ ထောင်ပြေးရည်းစားဟောင်းရဲ့ အဖွားအိမ်ကို စေလွတ်ခြင်းခံခဲ့ရပါတယ် စောင့်ကြည့်နေတုန်းအဖွားကြီးခရီးသွားတာကို အခွင့်ကောင်းယူပြီး အဖွားကြီးလို ရုပ်ဖျက်ကာ ထောင်ပြေးကိုစောင့်ဖမ်းမှာကို ကြည့်ရှုရမယ့် ဟာသကားလေးပဲဖြစ်ပါတယ်

လူငယ်အေးဂျင့် ကိုဒီ ဘန့်ခ် (Cody Banks) ပြန်လာပါပြီ! ဒီတစ်ခေါက်မှာတော့ သူ ရင်ဆိုင်ရမှာက ပုံမှန်ထက် ပိုကြီးမားတဲ့ အန္တရာယ်ပါ။ ကမ္ဘာ့ခေါင်းဆောင်တွေကို သူတို့ရဲ့ စိတ်ကြိုက် ခိုင်းစေနိုင်တဲ့ “စိတ်ထိန်းချုပ်စက်” (Mind-control device) တစ်ခုကို ဗီလိန်ကြီးက ခိုးယူသွားခဲ့ပါတယ်။ ဒါကို ပြန်အရယူဖို့အတွက် ကိုဒီဟာ လန်ဒန်မြို့အထိ သွားရောက်ပြီး စွန့်စားရမှာပါ။ ငယ်ဘဝက “Spy” ကားတွေကို လွမ်းဆွတ်နေတဲ့သူတွေအတွက်လည်း အကြိုက်တွေ့စေမှာပါ။