Movies

ဖြောင့်မတ်ပြီး ဒေါသကြီးတဲ့ အစိုးရရှေ့နေ ဗြောင်ဂျေဝတ် (Byun Jae-wook) ဟာ သူတရားစွဲဆိုနေတဲ့ သံသယရှိသူတစ်ယောက် အသတ်ခံရမှုမှာ လူသတ်သမားအဖြစ် အကွက်ချစွပ်စွဲခံလိုက်ရပါတယ်။ တရားဥပဒေကို ကိုင်တွယ်ခဲ့သူကိုယ်တိုင် ထောင်ဒဏ် ၁၅ နှစ် ကျခံခဲ့ရပြီး အကျဉ်းထောင်ထဲ ရောက်သွားတဲ့အခါမှာတော့ အပြင်ထွက်လို့မရတဲ့ ရှေ့နေကြီးဟာ ထောင်ထဲကနေ ကြိုးကိုင်ပြီး အပြင်ကလူလိမ်လေးကို သူ့ရဲ့ “ရုပ်သေးရုပ်” အဖြစ် အသုံးချပြီး အမှန်တရားကို ဘယ်လိုဖော်ထုတ်မလဲဆိုတာ ရင်တထိတ်ထိတ် ကြည့်ရမှာပါ Show More

လူသားတွေဟာ အာကာသထဲကသက်ရှိတွေနဲ့ ဆက်သွယ်နိုင်ဖို့ ကမ္ဘာမြေပေါ်ကနေ အချက်ပြလှိုင်းတွေ ပို့လွှတ်လိုက်တာကစပါတယ် အာကာသထဲက အချက်ပြလှိုင်းကိုရသွားတဲ့ ဂြိုလ်သားတွေဟာ ကမ္ဘာမြေပေါ်ကိုနှုတ်ဆက်ဖို့ မဟုတ်ဘဲ သိမ်းယူဖို့ ရှေ့ပြေးစစ်ယာဥ် ၄စီးနဲ့ ရောက်လာကြပါတော့တယ် ဂြိုလ်သားတွေဟာ သူတို့ဆင်းသက်လာတဲ့ နေရာတစ်ဝိုက်ကို တံတိုင်းနဲ့ကာပြီး သူတို့ရဲ့ကျန်ရှိနေတဲ့တပ်တွေကို ကမ္ဘာမြေဆီလိုက်လာဖို့ အချက်ပြဖို့ကြိုးစားတဲ့အခါမှာတော့ အဲ့တံတိုင်းထဲမှာ ပိတ်မိနေတဲ့ စစ်ရေးလေ့ကျင့်နေတဲ့ အမေရိကန် နဲ့ ဂျပန် စစ်သင်္ဘော ၃ စင်းက အဆမတန်အင်အားသာလွန်တဲ့ ဂြိုလ်သားယာဥ်ကြီးတွေကို အချက်မပြနိုင်တော့အောင် ရှယ်ဗျင်းမှာကို စိတ်ဝင်စားဖွယ် ကြည့်ရှုရမှာပဲဖြစ်ပါတယ် Show More

သာယာတဲ့ အားလပ်ရက်လေးတစ်ခုမှာ ဇနီးမောင်နှံနှစ်ဦးဟာ လူသူဝေးတဲ့ ရေကန်ဘေးက အိမ်လေးတစ်အိမ်ကို အပန်းဖြေဖို့ ရောက်လာခဲ့ကြပါတယ်။ သူတို့နှစ်ယောက်ရဲ့ဆက်ဆံရေးကို ပြန်လည်အသက်သွင်းဖို့အတွက် ခင်ပွန်းဖြစ်သူရဲ့ “လက်ထိပ်ခတ်ကစားနည်း” ကိုစမ်းကြည့်ကြပါတော့တယ် စမ်းနေတုန်း ခင်ပွန်းဖြစ်သူ ရုတ်တရက် နှလုံးရပ်ပြီး သေဆုံးသွားချိန်မှာတော့… ဂျက်ဆီ (Jessie) တစ်ယောက် ကုတင်တိုင်မှာ လက်ထိပ်ခတ်ခံထားရလျက်သားနဲ့ တစ်ယောက်တည်း ကျန်ရစ်ခဲ့ပြီး ဖုန်းကလည်း လက်လှမ်းမမီ၊ အော်သံကို ကြားမယ့်သူလည်းမရှိ၊ အစာနဲ့ရေလည်း မရှိဘဲ လက်ထိပ်ခတ်ခံထားရတဲ့ အခြေအနေကနေ ဘယ်လိုလွတ်အောင် ကြိုးစားမလဲဆိုတာ စိတ်ဝင်တစားကြည့်ရှုရမယ့် သဲထိပ်ရင်ဖိုဇာတ်ကားလေးပဲဖြစ်ပါတယ် Show More

စကော့ (Scott) တစ်ယောက်အသဲကွဲပြီး မူးမူးနဲ့ ဂျာမနီက သူ့ရဲ့ Cyber-buddy (အွန်လိုင်းသူငယ်ချင်း) “Mieke” ကို ယောက်ျားလေးလို့ ထင်ပြီး သူ့ကိုလာတွေ့မယ်ပြောတာကို ယောကျ်ားချင်း အဲ့လိုပြောရမလားဆိုပြီး ရိုင်းရိုင်းစိုင်းစိုင်းတွေ ပြောလိုက်မိလို့ ဟိုဘက်က Block တာခံလိုက်ရပါတော့တယ် တကယ်တန်း “Mieke” ဆိုတာ သူထင်သလို ယောက်ျားလေးမဟုတ်ဘဲ အင်မတန် ချောမောလှပတဲ့ ဂျာမန်မလေးတစ်ယောက် ဖြစ်နေတဲ့အခါမှာတော့ သူ့ရဲ့ အမှားကို ပြင်ဆင်ဖို့နဲ့ အချစ်ကို ရှာဖွေဖို့အတွက် စကော့ဟာ သူ့ရဲ့ သူငယ်ချင်းတစ်သိုက်နဲ့အတူ အမေရိကကနေ ဥရောပအထိ “အလည်အပတ် ခရီးစဉ်ကြီး” ကို အားချင်း စတင်လိုက်ပါတော့တယ်။ အချစ်ကိုရှာဖွေဖို့ ဥရောပကိုခြေဆန့်ရင်း ဘယ်လိုတွေ အလွဲလွဲချော်ချော်တွေ ကြုံတွေ့ရမလဲဆိုတာ ရှယ်ခွီးရင်း ကြည့်ရမယ့် လူငယ်ဟာသကားလေးဖြစ်ပါတယ် Show More

FBI အေးဂျင့် မယ်လ်ကွန် (Malcolm) ဆိုတာ ရုပ်ဖျက်ရမှာ ဆရာတစ်ဆူပါ။ တစ်နေ့မှာတော့ ထောင်ပြေးတစ်ယောက်ရဲ့ ရည်းစားဟောင်းနဲ့ ကလေးကို ‌‌‌‌စောင့်ကြည့်ဖို့ ထောင်ပြေးရည်းစားဟောင်းရဲ့ အဖွားအိမ်ကို စေလွတ်ခြင်းခံခဲ့ရပါတယ် စောင့်ကြည့်နေတုန်းအဖွားကြီးခရီးသွားတာကို အခွင့်ကောင်းယူပြီး အဖွားကြီးလို ရုပ်ဖျက်ကာ ထောင်ပြေးကိုစောင့်ဖမ်းမှာကို ကြည့်ရှုရမယ့် ဟာသကားလေးပဲဖြစ်ပါတယ် Show More

လူငယ်အေးဂျင့် ကိုဒီ ဘန့်ခ် (Cody Banks) ပြန်လာပါပြီ! ဒီတစ်ခေါက်မှာတော့ သူ ရင်ဆိုင်ရမှာက ပုံမှန်ထက် ပိုကြီးမားတဲ့ အန္တရာယ်ပါ။ ကမ္ဘာ့ခေါင်းဆောင်တွေကို သူတို့ရဲ့ စိတ်ကြိုက် ခိုင်းစေနိုင်တဲ့ “စိတ်ထိန်းချုပ်စက်” (Mind-control device) တစ်ခုကို ဗီလိန်ကြီးက ခိုးယူသွားခဲ့ပါတယ်။ ဒါကို ပြန်အရယူဖို့အတွက် ကိုဒီဟာ လန်ဒန်မြို့အထိ သွားရောက်ပြီး စွန့်စားရမှာပါ။ ငယ်ဘဝက “Spy” ကားတွေကို လွမ်းဆွတ်နေတဲ့သူတွေအတွက်လည်း အကြိုက်တွေ့စေမှာပါ။ Show More

တစ်နိုင်ငံလုံးကို လှည့်စားပြီး ဒေါ်လာသန်းပေါင်းများစွာ ရခဲ့တဲ့ လေယာဉ်မှူး ခင်ဗျားမှာသာ ကိုယ်ပိုင်လေယာဉ်တစ်စီးရှိမယ်ဆိုရင်… အမေရိကန်အစိုးရ (CIA) အတွက် သူလျှိုလုပ်ပေးမလား? ဒါမှမဟုတ် ကမ္ဘာကျော် မူးယစ်ရာဇာကြီး ပါဘလို အက်စကိုဘာ (Pablo Escobar) အတွက် ပစ္စည်းသယ်ပေးမလား? ဘယ်ရီ ဆီးလ် (Barry Seal) ကတော့ နှစ်ဖက်လုံးကို တစ်ပြိုင်တည်း လုပ်ခဲ့တာပါ။ ၁၉၈၀ ပြည့်လွန်နှစ်တွေက အမေရိကန် သမိုင်းမှာ အရှုပ်ထွေးဆုံးနဲ့ အံ့သြစရာအကောင်းဆုံး ဖြစ်ရပ်မှန်ကို အခြေခံထားတာပါ။CIA ကိုရော၊ မူးယစ်ဂိုဏ်း (Medellin Cartel) ကိုရော တစ်လှည့်စီ မှောင်ခိုလုပ်ပေးပြီး ပိုက်ဆံရတာများလွန်းလို့ အိမ်နောက်ဖေး မြေကြီးထဲ ကျင်းတူးမြှုပ်ရတဲ့အထိ၊ သေတ္တာတွေထဲ အတင်းထိုးထည့်ရတဲ့အထိ ချမ်းသာလာတဲ့ လေယာဥ်မှူးအ‌ကြောင်းရိုက်ထားတဲ့ ဖြစ်ရပ်မှန်ကားလေးဖြစ်ပါတယ် Show More